شىعىس وركەنيەتى اياسىندا تۇركى جانە يسلام الەمى حالىقتارىنىڭ تاريحي جادى مەن وركەنيەتتىك بىرلىگى جونىندەگى سانانىڭ جاڭعىرۋىنا ىقپال ەتۋمەن قاتار تۇركى اكادەمياسى مەن يىۇ-عا مۇشە ەلدەردىڭ ازاماتتارىن ءوزارا تانىسۋعا, ءبىر-ءبىرىنىڭ تاريحى مەن مادەنيەتى تۋرالى بىلىمدەرىن ناسيحاتتاۋعا, يىۇ ەلدەرىنىڭ عىلىم مەن تەحنيكا سالاسىنداعى ۇزاق مەرزىمدى ىنتىماقتاستىعى ارتتىرۋعا باعىتتالعان فورۋمنىڭ اشىلۋ سالتاناتىندا حالىقارالىق تۇركى اكادەمياسىنىڭ پرەزيدەنتى د.قىدىرالى عاسىرلاردى جالعاپ جاتقان ۇلىلار ۇندەستىگىنە ارنالعان فورۋمىنىڭ ماڭىزىنا توقتالىپ ءوتتى.
ايتۋلى شاراعا ۋنيۆەرسيتەت رەكتورى جانسەيىت تۇيمەباەۆ, ءبىلىم جانە عىلىم ءمينيسترىنىڭ ورىنباسارى قۋانىش ەرعاليەۆ, تۇركسوي ۇيىمىنىڭ باس حاتشىسى سۇلتان راەۆ, اسىلدىڭ سىنىعى, يكبالدىڭ نەمەرەسى ءۋاليد يقبال مەن يىۇ عىلىم مەن تەحنولوگيالار جونىندەگى تۇراقتى كوميتەتتىڭ باس ۇيلەستىرۋشىسى يقبال چاۋداري, ازياداعى ءوزارا سەنىم شارالارى كەڭەسى حاتشىلىعىنىڭ اتقارۋشى ديرەكتورىنىڭ ورىنباسارى چي فانگ, قازاقستاننىڭ پاكىستان يسلام رەسپۋبليكاسىنداعى توتەنشە جانە وكىلەتتى ەلشى ەرجان قىستافين, پاكىستاننىڭ قازاقستانداعى توتەنشە جانە ەكىلەتتى ەلشىسى سادجاد احمەد سيحار, تۇركيا رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى ۋفۋك ەكيدجي قاتىسىپ, تۇركى الەمىنە ورتاق ويشىلدار – ءال-فارابي مەن مۇحاممەد يقبالدىڭ باي مۇراسىن زەرتتەپ, ناسيحاتتاۋ ءىسىن جالعاستىرۋ تۇرعىسىنداعى زەردەلى پايىمدارىن ورتاعا سالدى. بۇگىندە پاكىستان مەن قازاقستان اراسىنداعى بايلانىستار ەكونوميكالىق عانا ەمەس, گۋمانيتارلىق سالاداعى ىقپالداستىق جىلدان-جىلعا دامىپ كەلەدى. بۇگىندە فارابي مەن يكبال مۇراسى شىعىس تىلدەرىمەن قاتار كوپتەگەن ەۋروپا تىلىنە دە اۋدارىلدى. الەمنىڭ كوپتەگەن ەلدەرىندە دانا ويشىلداردىڭ شىعارماشىلىق مۇراسىن زەرتتەۋ اكادەميالار قۇرىلعان. ماسەلەن, لاحوردا يكبال اكادەمياسى جۇمىس ىستەسە, قازۇۋ-دە فارابي ورتالىعى قۇرىلسا, قازاقستاننىڭ ۇلتتىق عىلىم اكادەمياسىندا بەلگىلى فارابيتانۋشى عالىمدار, فيلوسوفتار قىزمەت ەتىپ كەلەدى.
كونفەرەنتسيا يقبال فيلوسوفياسى: وتكەنى, بۇگىنى, بولاشاعى, يقبال فيلوسوفياسى مەن پوەزياسىنىڭ جاھاندىق اسەرى, ء ححى عاسىر سىن-قاتەرلەرى جانە تەحنولوگيا تاقىرىبىنداعى سەكتسيالارمەن جالعاستى. سونىمەن بىرگە تۇركى اكادەمياسىنىڭ ازەربايجان تىلىندە ازىرلەگەن مۇحاممەد يكبالدىڭ «Islam Dusuncesinin Rekonstruksiyasi» (يسلامدىق ويدى قايتا قۇرۋ) كىتابىنىڭ, سونىمەن قاتار 2020 جىلى يسلامابادتا وتكەن ءال-فارابي جاھاندىق فورۋمى ماتەريالدارىنىڭ اعىلشىن, قازاق, ورىس تىلدەرىندە جارىق كورگەن جيناعىنىڭ, ءال-ءفارابيدىڭ «مۋزىكا تۋرالى ۇلكەن تراكتات» اتتى ەڭبەگىنىڭ تۇرىك تىلىندە جارىق كورگەن نۇسقاسىنىڭ (El-Farabi Kitabu’l Musika’l-Kebir) جانە ۋردۋ تىلىندەگى «يكبال ەنتسيكلوپەدياسى» ەڭبەگىنىڭ تۇساۋكەسەرى ءوتىپ, يقبال پوەزياسى الەمىمەن ۇندەسكەن قىلقالام شەبەرلەرىنىڭ كورمەسى ءوتتى.
