ايماقتار • 27 مامىر، 2022

تارازدا 84 ۇيىرمەسى بار وقۋشىلار سارايى اشىلدى

32 رەت كورسەتىلدى

«باقىتتى بولاشاق» دەپ اتالاتىن كەشەندى ۇيىرمەلەر ورداسى بالالار جىلىنا ارنايى پايدالانۋعا بەرىلدى، دەپ حابارلايدى Egemen.kz جامبىل وبلىستىق ءبىلىم باسقارماسىنا سىلتەمە جاساپ. 


مۇندا روبوت-تەحنيكا، اەروكۆانتۋم، پلانەتاريا سياقتى سۇرانىسقا يە 84 ۇيىرمە جۇمىس ىستەيدى. عيمارات بىلىمگە، عىلىمعا، جالپى جاسوسپىرىمدەردىڭ ىزدەنىپ، زەرتتەۋمەن اينالىسۋعا قاجەتتى بارلىق زاماناۋي قۇرال-جابدىقپەن قامتىلعان.

جاڭا سارايدىڭ اشىلۋى ساباقتان تىس ۋاقىتتا وقۋشىلاردىڭ بىلىمدەرىن جەتىلدىرىپ بوس ۋاقىتتارىن ءتيىمدى وتكىزۋگە مۇمكىندىك بەرىپ وتىر. ەندى 7 مىڭعا جۋىق بالا مەكتەپتەن تىس قوسىمشا ءبىلىم الۋ شارالارىمەن قامتىلماق. 

ء«تۇرلى باعىتتا بۇل جەردە قوسىلىپ وتىرعان پلانەتاريا، وبسەرۆاتوريا، روبوت-تەحنيكا، اەروكۆانتۋم دەگەن سياقتى ۇيىرمەلەردە بالالار وزدەرىنىڭ قوسىمشا بىلىمدەرىن جەتىلدىرەدى. بۇعان دەيىن تاراز قالاسىندا ساراي بولعان جوق. تۇڭعىش رەت وبلىس ورتالىعىندا اشىلىپ وتىرعان ساراي. جالپى ءبىزدىڭ وبلىسىمىزدا 76 مەكتەپتەن تىس قوسىمشا ءبىلىم بەرۋ ورتالىقتارى بار. بۇل ۇلكەن سارايدىڭ اشىلۋى ودان دا ارى قاراي بالالاردىڭ قوسىمشا ءبىلىم الۋىنا ۇلكەن مۇمكىندىكتەر تۋعىزىپ وتىر»، دەيدى باسقارما باسشىسى ايدىن دوسىباەۆا. 

 

سوڭعى جاڭالىقتار

دوللار باعامى ءوستى

قارجى • بۇگىن، 16:12

ۇقساس جاڭالىقتار