اتالعان كوركەمسوز سايىسىن قوستاناي وبلىسى اكىمدىگىنىڭ مادەنيەت باسقارماسى مەن ى.التىنسارين اتىنداعى وبلىستىق بالالار مەن جاسوسپىرىمدەر كىتاپحاناسى ۇيىمداستىرىپ وتىر.
– ء«سوز قۇدىرەتى» بايقاۋى توعىز جىل بويى تالانتتى جاستاردىڭ تالابىن قولداپ, شىعارماشىلىعىن ۇشتاۋعا ىقپال ەتىپ كەلەدى. بۇل اۋەلدە ادەبيەتسۇيەر كىتاپحاناشىلاردىڭ باستاماسىمەن قولعا الىنعان بايقاۋ ەدى. بالانىڭ سويلەۋ مانەرىنىڭ ايقىندىعىن, وقىلىمنىڭ ەموتسيونالدىق كوركەمدىگىن, ءماتىننىڭ بەينەلىك جەلىسى مەن مازمۇندىق قۇرىلىمىن تەرەڭ سەزىنۋىن جانە اكتەرلىك شەبەرلىگىن شىڭدايتىن ءداستۇرلى بايقاۋعا اينالدى, – دەيدى ناۋىرزىم اۋداندىق كىتاپحاناسىنىڭ قىزمەتكەرلەرى.
بايقاۋعا مانەرلەپ وقۋدان قالالىق جانە اۋداندىق دەڭگەيدە وتكەن سايىستاردىڭ جەڭىمپازدارى قاتىسىپ, ازەربايجان, ارميان, بەلورۋس, قىرعىز, مولداۆان, ورىس, تاجىك, وزبەك جانە قازاق اۆتورلارىنىڭ پروزالىق شىعارمالارىنان ۇزىندىلەر وقىدى.
قازىلار القاسىنىڭ شەشىمىمەن ناۋىرزىم اۋداندىق بالالار كىتاپحاناسىنىڭ اتىنان شىققان جامبىل جالپى ءبىلىم بەرۋ مەكتەبىنىڭ 8-سىنىپ وقۋشىسى تولەۋبەك اياجان مولدوۆان قالامگەرى س.ۆانگەليدىڭ «گۋگۋتسە وقيعالارى» جيناعىنا ەنگەن «ەتىكشى» اڭگىمەسىن مانەرلەپ وقىپ, بايقاۋدىڭ باس جۇلدەسىن جەڭىپ الدى.
قوستاناي وبلىسى
