پرەزيدەنت • 26 مامىر، 2022

قازاقستان پرەزيدەنتى ەۋرازيالىق ەكونوميكالىق فورۋمعا قاتىستى

35 رەت كورسەتىلدى

قاسىم-جومارت توقاەۆ قىرعىزستانعا رەسمي ساپارى اياسىندا سادىر جاپاروۆپەن بىرگە «جاھاندىق وزگەرىستەر داۋىرىندەگى ەۋرازيالىق ەكونوميكالىق ينتەگراتسيا. ينۆەستيتسيالىق بەلسەندىلىكتىڭ جاڭا مۇمكىندىكتەرى» اتتى تاقىرىپتا وتكەن ەۋرازيالىق ەكونوميكالىق فورۋمنىڭ پلەنارلىق وتىرىسىنا ونلاين-فورماتتا قاتىستى، دەپ حابارلايدى Egemen.kz اقوردانىڭ رەسمي سايتىنا سىلتەمە جاساپ.

قازاقستان مەن قىرعىزستان كوشباسشىلارىمەن قاتار جيىنعا ارمەنيانىڭ پرەمەر-ءمينيسترى نيكول پاشينيان، رەسەي پرەزيدەنتى ۆلاديمير پۋتين، سونداي-اق بەلارۋس پرەمەر-ءمينيسترى الەكساندر گولوۆچەنكو مەن ەۋرازيالىق ەكونوميكالىق كوميسسيا القاسىنىڭ توراعاسى ميحايل مياسنيكوۆيچ بەينەبايلانىس رەجيمىندە قاتىستى. بۇل ءىس-شارانى رەسەي ونەركاسىپشىلەرى مەن كاسىپكەرلەرى وداعىنىڭ پرەزيدەنتى الەكساندر شوحين جۇرگىزدى.

ي

ءىس-شاراعا قاتىسۋشىلار ينتەگراتسيانى ودان ءارى دامىتۋدىڭ، ەۋرازيالىق ەكونوميكالىق وداق اياسىندا ەنەرگەتيكا، ونەركاسىپ، كولىك، قارجى جانە تسيفرلاندىرۋ سالالارىنداعى ىنتىماقتاستىقتى نىعايتۋدىڭ پەرسپەكتيۆالارىنا قاتىستى وي-پىكىرلەرىن ورتاعا سالدى. 

قاسىم-جومارت توقاەۆ ءوز ءسوزىن ەەو كەڭىستىگىندەگى ءوزارا ساۋدا-ساتتىقتى ارتتىرۋدىڭ پەرسپەكتيۆالارىنا جانە ەۋرازيالىق ەكونوميكالىق كوميسسيانىڭ جۇمىسىن جەتىلدىرۋگە ارنادى.  

ي

مەملەكەت باسشىسى ەۋرازيالىق ەكونوميكالىق وداقتىڭ ينتەگراتسيالىق بىرىگۋ ۇدەرىسىنە قاتىسۋشى مەملەكەتتەر اراسىنداعى ەركىن ساۋدانى دامىتۋ ماقساتىندا ءتيىستى جاعداي جاساۋ ءۇشىن قۇرىلعانىن ايتتى.

«ەۋرازيالىق ەكونوميكالىق وداق كۇردەلى گەوساياسي جاعدايدا ءوزىنىڭ تيىمدىلىگىن كورسەتتى. ءبىز مۇنى كورىپ وتىرمىز. ەۋروپالىق وداقتاعى جانە باسقا دا ەكونوميكالىق ۇيىمدارداعى سياقتى بۇل وداقتا ءتۇرلى ماسەلەلەر تۋىنداپ وتىراتىنىنا تاڭ قالۋعا بولمايدى. ءاربىر مەملەكەت ۇلتتىق مۇددەسىن وزدىگىنشە كوزدەيدى. ءاربىر مەملەكەت تۋىنداعان ماسەلەنى وزدەرى دۇرىس دەپ ساناعان پىكىرى بويىنشا شەشىلگەنىن قالايدى. بۇل ءاربىر حالىقارالىق، اسىرەسە ساۋدامەن اينالىساتىن ۇيىمدارعا ءتان جاعداي»، دەدى قازاقستان پرەزيدەنتى.

ي

سونىمەن قاتار قاسىم-جومارت توقاەۆ ەۋرازيالىق ەكونوميكالىق كوميسسيانىڭ قىزمەتى جونىندە دە ايتتى. ونىڭ پىكىرىنشە، كوميسسيا تابىستى جۇمىس ىستەپ جاتىر.

«بۇگىنگە دەيىن ەۋرازيالىق ەكونوميكالىق كوميسسيا اياسىندا وتكىزىلگەن كونسۋلتاتسيالار ناتيجەسىندە كەدەرگىلەردىڭ 80 پايىزى جويىلدى. بۇل كۇردەلى جۇمىس جالعاسىن تابادى دەپ ۇمىتتەنەمىز. ينتەگراتسيا – كوپ ەڭبەك ءسىڭىرۋدى جانە مۇشە مەملەكەتتەر اراسىندا ىمىراعا كەلۋدى قاجەت ەتەتىن ۇدەرىس. قازاقستان ەۋرازيالىق ەكونوميكالىق كوميسسيانىڭ ناقتى ناتيجەگە جاي سوزبەن ەمەس، ناقتى ىسپەن قول جەتكىزگەنىن قولدايدى. كەز كەلگەن ماسەلەنى ىسكەرلىكپەن شەشكەن ءجون. سەبەبى حالىقتارىمىز بۇل ماسەلەلەردىڭ ۇزاق سوزىلعانىن كۇتپەيدى، قازىر شەشىلگەنىن قالايدى. ولار ماسەلەنى شەشۋدىڭ دۇرىس جولى وسى دەپ سانايدى»، دەدى مەملەكەت باسشىسى.

قاسىم-جومارت توقاەۆتىڭ ايتۋىنشا، قازاقستان ەۋرازيالىق ينتەگراتسيانىڭ ىسكەرلىك ءارى پراگماتيكالىق نەگىزدە دامىعانىن جاقتايدى. 

ي

ايانا توعانبەك

سوڭعى جاڭالىقتار

كيىكتەر كىمگە كەدەرگى؟

قازاقستان • كەشە

ەكى اۋىلعا گاز جەتتى

ايماقتار • كەشە

ينفلياتسيا يىلە مە؟

قوعام • كەشە

ءدارى مەن ءسوز ءدارۋى

مەديتسينا • كەشە

«التايداي جەر قايدا؟!»

ايماقتار • كەشە

ۇقساس جاڭالىقتار