بۇل كولىك ماسەلەلەرى جونىندەگى زاڭ جوباسىنا ەنگىزىلگەن تۇزەتۋلەر شەڭبەرىندە كوزدەلگەن.
«اقىلى جولدار بويىنشا تەگىن ءجۇرۋ نورماسى ۇوس ارداگەرلەرىنە جانە قىزمەتىن جۇزەگە اسىراتىن كۇشتىك ورگاندارىنىڭ قىزمەتكەرلەرىنە تىركەلگەن اۆتوكولىكتەرگە قولدانىلادى. وكىنىشكە قاراي, بىزدە ارداگەرلەر كوپ ەمەس, ءبىز ارداگەرلەرگە تەڭەستىرىلگەندەردىڭ ساناتىن دا قاراستىرامىز», دەدى ءماجىلىس دەپۋتاتى البەرت راۋ.
ونىڭ ايتۋىنشا, قازىر ءتيىستى ەسەپتەۋلەر جۇرگىزىلىپ جاتىر, بىراق زاڭ جوباسى ەكىنشى وقىلىمدا قارالعانعا دەيىن ماسەلە شەشىلەدى.
ايتا كەتسەك, زاڭ جوباسىندا حالىقتىڭ الەۋمەتتىك وسال توپتارى ءۇشىن قوعامدىق كولىكتە جۇرۋگە جەڭىلدىكتەر بەرەتىن نورمالار قاراستىرىلعان.
ماسەلەن, الەۋمەتتىك ماڭىزى بار قاتىناستاردا, سونداي-اق قالالىق (اۋىلدىق), قالا ماڭىنداعى قاتىناستاردا تۇراقتى اۆتوموبيل مارشرۋتتارىندا تەگىن جول جۇرۋگە بولادى:
- «التىن القا», «كۇمىس القا» القالارىمەن ناگرادتالعان نەمەسە بۇرىن «باتىر انا» اتاعىن العان, سونداي-اق I جانە II دارەجەلى «انا داڭقى» وردەندەرىمەن ناگرادتالعان كوپبالالى انالار, ءبىرىنشى توپتاعى مۇگەدەكتەر;
- 15 جاستان 18 جاسقا دەيىنگى ادامدارعا جول ءجۇرۋ قۇجاتىنىڭ تولىق قۇنىنىڭ 50%-ىن تولەي وتىرىپ, جول ءجۇرۋ قۇجاتىن ساتىپ الۋ قۇقىعى بەرىلەدى.
