«بۇگىندە جالدامالى تۇرعىن ۇيگە سۋبسيديا الۋعا ازاماتتاردان 13 758 ءوتىنىم قابىلداندى. ونىڭ ىشىندە 6392 ءوتىنىم جسن ارقىلى بەرىلدى. قازىرگى دەرەككە سايكەس 3044 كليەنتكە سۋبسيديا ماقۇلداندى. اتالعان ازاماتتار وزىنە تۇرعىن ءۇي ىزدەستىرە بەرسە بولادى. شامامەن 2 اپتادان سوڭ ولارمەن كەلىسىمشارتقا وتىرامىز. ءوتىنىش يەسى باسپانانى ءوزى ىزدەپ تابادى, سودان سوڭ تۇرعىن ءۇيدى جالداۋ باعاسىنىڭ 50 پايىزىن مەملەكەت وتەيدى. سونىمەن قاتار بۇگىندە 743 كليەنتتىڭ ءوتىنىشى قارالۋ ۇستىندە. ەسكەرەتىن جايت, جالعا بەرىلەتىن تۇرعىن ءۇي سۋبسيدياسىنا قۇجات تاپسىرعاندا ءوتىنىش يەسىنەن بولەك, جۇبايى (زايىبى) مەن ولاردىڭ كامەلەت جاسىنا تولعان بالالارى دا ەلەكتروندىق تسيفرلىق قولتاڭباسىن قالدىرۋى كەرەك», دەدى «وتباسى بانك» اق-نىڭ باسقارما توراعاسى ءلاززات يبراگيموۆا ورتالىق كوممۋنيكاتسيالار قىزمەتى الاڭىندا وتكەن ءباسپاسوز ءماسليحاتىندا.
بانك باسشىسىنىڭ مالىمەتىنشە, 7993 ازاماتتىڭ تۇرعىن ءۇي سۋبسيدياسىن الۋعا بەرگەن ءوتىنىشى ءتۇرلى سەبەپتەرگە بايلانىستى قاناعاتتاندىرىلمادى.
«قۇجات قابىلداۋ ونلاين فورماتتا ءجۇرىپ جاتىر. بانككە كەلۋدىڭ قاجەتى جوق. تاعى ءبىر ايتا كەتەتىن جايت, مەملەكەتتەن جالعا بەرىلەتىن تۇرعىن ءۇي سۋبسيدياسىنا ءوتىنىشتى جەكەلەگەن ساناتتارعا جاتاتىن ازاماتتار عانا بەرە الادى. ولار كوپبالالى وتباسىلار, 1, 2-توپتاعى مۇگەدەك جاندار, جەتىم بالالار جانە مۇگەدەك بالا تاربيەلەپ وتىرعان وتباسىلار», دەيدى ول.
