ونىڭ ايتۋىنشا, وتكەن اپتادا تەستىلەۋ كەزىندە ەرەجەلەردى بۇزعانى ءۇشىن اۋديتوريادان بارلىعى 21 ادام شىعارىلىپ, ولاردىڭ ناتيجەلەرى جويىلدى.
ء«بىز ۇبت-داعى ءاربىر جوعارى ناتيجەنى تەكسەرەمىز», دەدى ول.
سونىمەن قاتار ول جوعارى ناتيجە كورسەتكەن تالاپكەرلەردى قايتا باقىلاۋ بارىسىندا ەرەكشە نازارعا تۇسكەن تەستىلەنۋشىگە توقتادى.
«تەست تاپسىرۋشى قاڭتار ايىندا 7️2 بالل, ال نەگىزگى ۇبت-دا 1️30 بالل جيناعان. ناتيجەسى بىردەن 5️8 بالعا وسكەن, سوندىقتان ءبىز قوسىمشا كۇشەيتىلگەن باقىلاۋدى وتكىزۋدى ءجون كوردىك», دەدى ورتالىق ديرەكتورى.
بەينەجازبالاردى تەكسەرۋ بارىسىندا تالاپكەردىڭ ۇبت ەرەجەلەرىن بۇزعاندىعى بەلگىلى بولدى. ول تەستىلەۋ بارىسىندا بەينەكامەرا مەن ميني قۇلاققاپ قولدانعان. وسىعان جول بەرگەن قىزمەتشى تەستىلەۋدەن شەتتەتىلدى. قىزمەتتىك تەكسەرىس جۇرگىزىلىپ, ءتيىستى شارا قولدانىلادى. ال تەست تاپسىرۋشىنىڭ ناتيجەلەرى جويىلدى. ەندى ول ەكىنشى مۇمكىندىگىن قولدانا المايدى.
«دوستار, جۇيەنى الداۋعا تىرىسۋدىڭ قاجەتى جوق. جاۋاپكەرشىلىكتەن ەشكىم قۇتىلا المايدى.تاعى دا سىزدەردى اكادەميالىق ادالدىقتى ساقتاۋعا شاقىرامىن. ال ءبىز باقىلاۋدى ودان ءارى كۇشەيتەتىن بولامىز», دەپ جازدى ول.
