قازاقستان • 24 مامىر، 2022

جارقىن بەينەسى جادىمىزدان وشپەيدى

30 رەت كورسەتىلدى

ءوتىپ بارا جاتقان ۋاقىت-اي! وسىدان ءبىراز جىل بۇرىن حالقىمىزدىڭ ادال دا اياۋلى پەرزەنتتەرىنىڭ ءبىرى – باۋىرجان ىسقاق ۇلى ەلۋباەۆپەن قاۋىپسىزدىك ورگانىندا بىرگە قىزمەت ەتتىك. سول ۋاقىتتا ونىڭ ومىرگە، وتانعا دەگەن كوزقاراسىن جوعارى باعالادىم. وتاندى ءسۇيۋ، دوستاردى، جولداستاردى قادىرلەۋ سياقتى ادامگەرشىلىك قاسيەتتەرىنىڭ بيىك ەكەنىنە كوزىم جەتتى.

ول ەڭ اۋەلى ەلىمىزگە، وتانىمىزعا ادال ازامات بولدى. سوندىقتان اس­ك­ە­ري-قاۋىپسىزدىك سالا­سىن­داعى قىزمەتىنە دە ادال ەدى. سودان كەيىن جا­قىندارىنا، جولداس­تارىنا، بىرگە جۇرگەن ارىپ­تەستەرىنە ادالدىق تا­نىتتى. ادامنىڭ ادامي قاسيەتتەرى كۇندەلىكتى ومىردە قالاي جانە كىممەن بىرگە جۇرگەنىنەن، قانداي جەتىستىكتەرگە جەتكەنىنەن كورىنەدى. بىرگە قىزمەت ىستەگەننەن كەيىن كىمنىڭ قانداي ادام ەكەنىن بى­لەمىز. مەن باۋىرجان ىس­قاق ۇلىمەن بىرگە قىز­مەت ەتكەن ءبىراز جىلدا ونىڭ وتانشىل ازامات ەكەنىن، وتانىن قا­لاي قۇرمەتتەيتىنىن، قاستەر­لەيتىنىن، سۇيەتىنىن ءبىلدىم.

ۇلتتىق قاۋىپسىزدىك كو­ميتەتىندە ىستەيتىن ادام­نىڭ ەڭ باستى بورىشى – وتانعا ادال قىزمەت ەتۋ جانە ونىڭ قاۋىپسىزدىگىن ساقتاۋ. وسى تۇرعىدان ال­عاندا كۇندەلىكتى ءومى­رى، قىزمەتتەگى ۇستانىمى ارقىلى باۋىرجان ىس­قاق­ ۇلىنىڭ ادالدىعىنا كوزىم جەتتى. سول ادالدىعى مەن ءبىلىمى، اقىلى مەن تا­جىريبەسى ارقىلى قارا­پايىم قىزمەتكەردەن گە­ن­ەرال-مايورعا دەيىن ءوس­تى، ۇلكەن قىزمەتتەردى ات­قار­دى. ول بىرگە جۇمىس ىستەيتىن ادامداردىڭ بارىنە بىردەي قارايتىن. مىناۋ مەنىڭ جەرلەسىم، تۋىسىم دەپ بولەكتەۋدى بىلمەيتىن. ادالدىعى ءاربىر ىسىنەن كورىنىپ تۇراتىن.

بويىنداعى اسىل قا­سيەت­تەرىنىڭ ارقاسىندا ول ۇلتتىق قاۋىپسىزدىك كو­­ميتەتى توراعاسىنىڭ ورىن­باسارلىعىنا دەيىن جەتتى. بۇل بيىك لاۋا­زىم­عا ءبىر ەمەس، ەكى رەت تا­عايىندالدى.

قاۋىپسىزدىك قىزمەتى ايتۋعا عانا وڭاي. ونىڭ جاۋاپكەرشىلىگى اۋىر. سون­داي جاۋاپكەرشىلىكتى كوتەرە بىلگەن ازامات ءومىر­دىڭ بارلىق سىنى­نا شىداي الادى. باۋىر­جان ىسقاق ۇلىنىڭ جۇمى­سىندا جاعىمسىز جاعداي دا، قاتەلىك تە بولعان ەمەس. جانە ونىڭ اتىنا «جۇ­مىسىن ورىندامادى، ناشار ورىندادى» دەگەن سياقتى سىن دا ايتىلمايتىن. ويتكەنى ونىڭ ءبىلىمى مەن تاجىريبەسى مول، ءوز مىن­دەتىن جاقسى بىلەتىن ەدى.

باۋكەڭنىڭ ۇرپاقتارىن دا بىلەمىن، ولار كوز الدىمىزدا ءوستى. ويتكەنى باۋىرجان ىسقاق ۇلى ەكەۋىمىز سوناۋ سەكسەنىنشى جىلداردان بەرى وتباسىمىزبەن ارالاستىق. قىز­مەت بابىندا عانا ەمەس، كۇندەلىكتى ومىردە دە جاق­­­سى قارىم-قاتىناستا بول­دىق. سول ارقىلى مەن ونىڭ ۇلكەن ازامات ەكەنىن، ەلىن، حالقىن ەرەك­شە سۇيە­تىنىن تانىدىم. ول جۇرت­شىلىقتىڭ، قىزمەت­تەس جولداستارىنىڭ ورتاسىندا زور ابىروي-بەدەلگە يە ەدى.

وكىنىشكە قاراي، 2016 جىلى باۋكەڭنىڭ جان سەرىگى، بالالارىنىڭ اناسى دۇنيەدەن وزعان ەدى. ول سول اۋىر قايعىسىن قايىسپاي كوتەرە ءبىلدى. سەبەبى ول ءومىر زاڭىن تۇسىنەتىن.

ۋاقىت زىمىراپ ءوتىپ بارادى. باۋىرجان ىس­قاق­ ۇلىنىڭ دۇنيەدەن وزعا­­نىنا دا جىل تولعان ەكەن. بىراق ونىڭ جارقىن بەي­نەسى ءبىزدىڭ جادىمىزدان وشكەن جوق، ەشقاشان وش­پەيدى دە.

وسىنداي ورنى بولەك اسىل ازاماتتىڭ ومىردەن ەرتە كەتكەنى وكىنىشتى. مار­­قۇم­نىڭ الدى جارىق بولسىن.

 

ءسات توقپاقباەۆ،

وتستاۆكاداعى گەنەرال-پولكوۆنيك

سوڭعى جاڭالىقتار

بۇعىبۇلاۋ

قازاقستان • كەشە

جۇزە ءبىلۋ – ءومىر

قوعام • كەشە

ولكەتانۋشى

قازاقستان • كەشە

كەبەنەك

تاريح • كەشە

ساۋكەلە

ونەر • كەشە

ۇقساس جاڭالىقتار