بەس كىشكەنتاي پاتسيەنتكە بىرلەسكەن وپەراتسيا جاسادى

ءىس-شارا نۇر-سۇلتان قالاسىنىڭ №2 كوپبەيىندى بالالار اۋرۋحاناسىندا ءوتتى. سونداي-اق الەمنىڭ تۇكپىر-تۇكپىرىندەگى ماماندار ءۇشىن شەبەرلىك ساباعىنىڭ ونلاين كورسەتىلىمى ۇيىمداستىرىلدى.

«وپەراتسيادان كەيىن ءبىز قازاقستاندىق ارىپتەستەرمەن بىرلەسىپ، حيرۋرگيالىق ارا­­لا­سۋدىڭ ءاربىر كەزەڭىن ەگجەي-تەگجەي تال­­قى­لادىق. مۇنداي ىنتىماقتاستىق ولار­­­دىڭ كاسىبي وسۋىنە وتە قولايلى. ءبارىمىز ءبىر-بىرىمىزدەن بىرنارسە ۇيرەنەمىز. وپەراتسيالاردىڭ ءساتتى وتكەنىنە قۋانىش­تى­مىن»، دەدى تۇركيالىق حيرۋرگ ب.تاندەر.

بارلىق بالاعا از ءينۆازيۆتى ادىستەردى قولدانۋ، ياعني مينيمالدى تىلىكتەر مەن تىگىستەر جاساۋ ارقىلى وپەراتسيا جاسالدى. كەيبىر وپەراتسيا تاسىلدەرى ەلىمىزدەگى بالالار حيرۋرگتەرىنىڭ تاجىريبەسىندە العاش رەت قولدانىلدى. شەبەرلىك ساباعى اياسىندا بارلىعى 5 وپەراتسيا جاسالدى، ونىڭ ىشىندە اسقازان-ىشەك جولدارىنىڭ ءتۋابىتتى اقاۋلارى بار بالالار دا بار.

بۇعان قوسا قاتىسۋشىلار اسقازان-ىشەك جولدارىنىڭ ءتۋابىتتى اقاۋلارى (گيرش­پرۋنگ اۋرۋى)، انورەكتالدى دامۋ اقاۋ­لا­رى، گەپاتوبيليارلىق حيرۋرگيا، وكپەنىڭ ءتۋا­بىتتى اقاۋلارى بويىنشا وقىتۋ دارىس­تە­رىنە قاتىستى.

«دۇنيە ءبىر ورىندا تۇرمايدى جانە دارى­گەرلەردىڭ كاسىبي قۇزىرەتتىلىگىن ارتتىرۋ – وزگە سالالار سەكىلدى بىلىكتىلىكتى راس­تاۋ­دىڭ جانە جەتىلدىرۋدىڭ مىندەتتى قۇرالى. مەملەكەت پەن جەرگىلىكتى اتقارۋشى ورگان­دار­دىڭ قولداۋى ارقىلى بۇگىندە ءبىز شە­تەل­­دەرگە وقۋعا بارىپ قانا قويماي، قا­زاق­ستانعا شەتەلدىك ارىپتەستەرىمىزدى دە شاقىرۋعا مۇمكىندىگىمىز بار. شەبەرلىك سابا­عىنىڭ ءۇش كۇنى ىشىندە ماماندارىمىز جاڭا ءبىلىم مەن پراكتيكالىق داع­دىلاردى مەڭگەرگەنىنە جانە وسى ءبىلىم­دى ولار كەيىننەن بالالاردى ەمدەۋدە قول­دا­ناتىندىعىنا سەنىمدىمىن»، دەدى №2 كوپ­بەيىندى قالالىق بالالار اۋرۋحاناسىنىڭ ديرەكتورى گۇلنار ق ۇلىشەۆا.

بالالاردىڭ اتا-انالارى قۋانىشتارىن جاسىرا المادى. 15 جاستاعى ناۋقاستىڭ اناسى نارازگۇل ماساعۇتوۆا قازاقستان مەن تۇركيانىڭ جەتەكشى حيرۋرگتەرى وتكىزەتىن شەبە­رلىك ساباعى تۋرالى الەۋمەتتىك جەلى­لەر­دەن وقىعانىن ايتتى. سودان كەيىن جەرگىلىكتى ەمحانادان جولداما الىپ، بالامەن بىرگە استانالىق كلينيكاعا كەڭەس الۋعا كەلدى.

«مەنىڭ بالاما وسىنداي كاسىبي ماماندار وتا جاساعانىنا وتە قۋانىشتىمىن. وسى بالالار اۋرۋحاناسىنا، بارلىق دارى­گەر­گە، مەملەكەتىمىزگە شىن جۇرەكتەن العىس ايتقىم كەلەدى. بارشاڭىزعا ساتتىلىك پەن دەنساۋلىق تىلەيمىن»، دەپ دارىگەرلەرگە العىس ايتتى.

ء«بىرىنشى كۇنى اۋىر سىرقاتى بار ەكى با­لاعا وپەراتسيا جاسالدى. ءبىرىنشى بالا­عا از ينۆازيالى وپەراتسيا – تۇرىك حيرۋرگىنىڭ وزىندىك ادىستەمەسى بويىنشا لاپاروسكوپيالىق حولەتسيستەكتوميا جاسالدى. بۇل بالاعا قالپىنا كەلۋ جاعىنان دا، ەستەتيكالىق جاعىنان دا جاعىمدى اسەر ەتەدى. ەكىنشى جاعدايدا لاپاروسكوپيالىق ەحينوكوككەكتوميا، ياعني تەسىك ارقىلى ەحينوكوككەتوميا وپەراتسياسى جاسالدى. ىستانبۇلدان كەلگەن ارىپتەس وسى وپەرا­تسيا­نى جۇرگىزۋدەگى ءوز تاجىريبەسىمەن ءبو­لىس­تى. بۇل ادىسكە قازاقستاندىق بالالار حي­­رۋرگ­تەرى زور ىقىلاس ءبىلدىردى»، دەيدى №2 كوپ­­بەيىندى قالالىق بالالار اۋرۋ­حا­نا­سى­نىڭ حيرۋرگيالىق بلوك جەتەكشىسى رينات بايگيرەەۆ.

اۋرۋحانا باسشىلىعى ءوز كەزەگىندە دارى­گەرلەردىڭ بىلىكتىلىگىن ارتتىرۋ پراكتيكاسىن جالعاستىرۋعا نيەتتى ەكەنىن اتاپ ءوتتى. 2022 جىلدىڭ سوڭىنا دەيىن ۋرولوگيا، ورتوپەديا، نەيروحيرۋرگيا، كومبۋستيولوگيا جانە باسقا دا بەيىندەر بويىنشا بىرقاتار شەبەرلىك ساباعىن وتكىزۋ جوسپارلانىپ وتىر.