«مۇنايدىڭ جوعارى باعاسى, ۇلتتىق ۆاليۋتا كۋرسىن تۇراقتاندىرۋعا ارنالعان قاداعالاۋ شارالارى فونىندا, سونداي-اق الدا كەلە جاتقان (20-25 مامىر) سالىق كەزەڭى قارساڭىندا ساراپشىلاردىڭ ۇلتتىق ۆاليۋتا كۋرسىنا بايلانىستى كۇتۋلەرى ءبىرشاما جاقساردى. ساۋالداما قاتىسۋشىلارى بيىلعى ماۋسىم ايىنىڭ باسىندا تەڭگە-دوللار كۋرسى 448,3 تەڭگەنى قۇرايدى دەپ بولجايدى. ال ءبىر اي بۇرىن 472,9 تەڭگە دەپ كۇتىلگەن. ءتول ۆاليۋتا كۋرسىنا قاتىستى ءبىر جىلدان كەيىنگى كۇتىلىم نەگاتيۆتى – 484,0 تەڭگە (+8,7 پايىز) مەجەسىندە دەپ بولجانادى. ءالى دە بولسا ساقتالىپ وتىرعان گەوساياسي قىسىم, الەمدىك نارىقتاعى قۇبىلمالىلىق, دامىعان ەلدەردىڭ اقشا-نەسيە ساياساتىن قاتاڭداتۋى اياسىندا ينۆەستورلاردىڭ دامۋشى ەلدەردەگى اكتيۆتەردەن كەتە باستاۋى الداعى 12 ايدا تەڭگەگە قىسىم كورسەتۋى مۇمكىن», دەيدى ساراپشىلار.
اناليتيكتەر ءبىر جىلدان سوڭ دا مۇناي باعاسى قازىرگى دەڭگەيىندە – باررەلىنە 104,4 دوللار بولادى دەپ بولجايدى. ۇسىنىس پەن سۇرانىس تەپە-تەڭدىگىنىڭ ورنىقسىزدىعى, نارىقتاعى قۇبىلمالىلىق قارا التىن باعاسىن جوعارى كۇيىندە ۇستاپ تۇرماق. ەلدەگى ينفلياتسيالىق قىسىمنىڭ كۇشەيۋى اياسىندا (ساۋىردە 13,2 پايىز) جانە الەمدىك ەكونوميكاداعى پروينفلياتسيالىق قىسىم جاعدايىندا ينفلياتسيا بويىنشا ورتاشا باعالاۋ 11,7 پايىز دەڭگەيىندە ء(بىر جىل بۇرىن 9,4 پايىز بولعان) توقتايدى.
«كەزەكتى رەت بازالىق ستاۆكانى 14,0 پايىزعا دەيىن كوتەرگەننەن كەيىن كوپتەگەن ساراپشى (69 پايىزى) اقشا-نەسيە ساياساتى قازىرگىدەي ساقتالادى دەپ ەسەپتەيدى. بۇل رەتتە ساراپشىلاردىڭ 25 پايىزى بازالىق ستاۆكا 14,5-15 پايىزعا دەيىن جوعارىلايدى دەپ كۇتەدى», دەلىنەدى ساراپتامادا.
ساراپشىلاردىڭ قازاقستان ءىجو-ءنىڭ ءوسىمى بويىنشا كۇتۋلەرى 3,0 پايىزعا دەيىن تومەندەگەن. جاھانداعى لوگيستيكالىق تىزبەكتەردىڭ ءالى قالىپقا كەلمەي تۇرعاندىعى, سونىمەن قاتار الەمدىك ەكونوميكانىڭ باياۋلاۋى ءبىزدىڭ دە ىشكى جالپى ءونىمىمىزدىڭ تومەندەۋىنە اسەرىن تيگىزبەك.
