ايماقتار • 23 مامىر، 2022

ۇلاعاتقا ىنتىقتاردىڭ ۇمتىلىسى

35 رەت كورسەتىلدى

«اباي وقۋلارى» بايقاۋىنىڭ وبلىستىق كەزەڭىنە جۇزدەن استام وقۋشى قاتىسىپ، باق سىنادى. ءبىلىم مەن بىلىك تارازى باسىنا تارتىلعان كەزدە ۇلاعاتقا ىنتىقتاردىڭ ۇمتىلىسىنىڭ كوپتىگى مەنمۇڭدالاپ تۇردى.

وبلىس ورتالىعىنداعى اباي اتىن­داعى دارىندى بالالارعا ارنالعان №3 وب­لىستىق مامانداندىرىلعان مەك­تەپ-ينتەرناتتا جوعارى سىنىپ وقۋشى­لارى اراسىندا بايراقتى باسەكە ءوتتى. مازمۇندى ءىس-شارانىڭ ۇيىم­داستىرۋشىسى – وبلىستىق ءبىلىم باسقارماسىنىڭ دارىندى بالالار مەن تالانتتى جاستاردى انىقتاۋ جانە قولداۋ جونىندەگى ورتالىعى. التى اتالىم بويىنشا وتكەن شىعارماشىلىق بايقاۋدا استراحان، بۋراباي، زەرەندى، ارشالى اۋداندارى مەن ستەپنوگورسك قالاسىنان قاتىسقان جاسوسپىرىمدەر ءوز بوي­لارىنداعى ءبىلىم مەن بىلىكتى جار­قى­راتىپ كورسەتىپ، ۇلى حاكىمنىڭ ۇلا­عاتىن قانشالىقتى سىڭىر­گەن­دىكتەرىن ايقىن اڭعارتىپ، كوش باستادى.

اسىرەسە، استراحان اۋدانىنان كەلگەن ورازالى حانات پەن ايىم رامازان العاشقى ەكى اتالىم بويىنشا وزگە قۇربىلارىنان وق بويى وزىپ شىقتى. ال «ابايدىڭ اقىن شاكىرتتەرىنىڭ شى­عارمالارى» اتالىمىندا بۋرابايلىق ىڭكار داۋلەت، «كوڭىلىم ءاندى ۇعادى» اتالىمىندا زەرەندىلىك اقەركە زاكەر تۇلا بويلارىنداعى تالانت ۇشقىنىن تانىتتى. ارشالىلىق زەينەپ ساعىنتاي مەن ستەپنوگورسك قالاسىنان كەلگەن ءدىلناز ساعايقىزى دا ەرەن جۇيرىكتەر قاتا­رىنان كورىنىپ، جاقسى قىرلارىنان تانىلدى.

كىل جۇيرىكتەر جينالعان ءبىلىم بايگە­سىندە ماڭدايى جارقىراپ، توپتان وزعان جاسوسپىرىمدەر «اباي وقۋلارىنىڭ» رەسپۋبليكالىق كەزەڭىنە جولداما الدى. ەڭ باستىسى، ۇلى ابايدىڭ ۇلاعاتىن ەندى قايتىپ وشپەستەي ەتىپ زەرەك كوڭىلگە توقىعان جۇزدەن استام ورەننىڭ بو­يىنداعى ۇمتىلىستى كورىپ، كەلەر كۇن­دەردىڭ كوكجيەگىنە دەگەن سەنىمدى ەسەلە­دىك. تۇيسىنە بىلگەنگە از ولجا ەمەس-اۋ.

 

كوكشەتاۋ

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

سوفيادان ولجالى ورالدى

سپورت • بۇگىن، 08:40

جاس تەننيسشىلەر جارادى

تەننيس • بۇگىن، 08:32

تۇتىنۋشى قۇقىعىن قورعايدى

قازاقستان • بۇگىن، 08:27

ۇقساس جاڭالىقتار