اتىراۋ وبلىسى پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسى قىزمەتكەرلەرى جەدەل-ىزدەستىرۋ شاراسى بارىسىندا 27 جاستاعى قالا تۇرعىنىن توقتاتىپ, تەكسەرۋ كەزىندە 60 دانا ورام سينتەتيكالىق ەسىرتكىگە ۇقساس زاتتى تاۋىپ, تاركىلەدى.
ساراپتاما قورىتىندىسىنا سايكەس, سالماعى 33 گرامم بولاتىن سينتەتيكالىق ەسىرتكى ەكەندىگى دالەلدەندى.
«قازىرگى ۋاقىتتا اتالعان دەرەك بويىنشا قر قك-ءنىڭ 296-بابىنىڭ 4-ءبولىمى (ەسىرتكى, پسيحوتروپتىق زاتتارمەن, سول تەكتەستەرمەن وتكىزۋ ماقساتىنسىز زاڭسىز جۇمىس ىستەۋ) بويىنشا سوتقا دەيىنگى تەرگەپ-تەكسەرۋ جۇرگىزىلۋدە», دەدى اتىراۋ وبلىسى پد باستىعى نۇرحات ورازباەۆ.
ايتا كەتەيىك, بۇل باپ بويىنشا ءۇش جىلدان جەتى جىلعا دەيىنگى مەرزىمگە باس بوستاندىعىنان ايىرۋ كوزدەلگەن. ۇستالعان ازامات اتىراۋ قالاسى پوليتسيا باسقارماسىنىڭ ۋاقىتشا ۇستاۋ يزولياتورىنا قاماۋعا الىندى.
ايانا توعانبەك
