ايماقتار • 22 مامىر، 2022

تالدىقورعان-ءۇشارال جولىن سۋ شايىپ كەتتى

50 رەت كورسەتىلدى

قاتتى جاۋعان جاڭبىردان كەيىن اعىندى سۋ جاڭادان سالىنىپ جاتقان تالدىقورعان-ءۇشارال جولىن شايىپ كەتتى، دەپ حابارلايدى Egemen.kz.

وقيعا سارقان اۋدانىنا جەتپەي، اقسۋ اۋدانىنداعى جانسۇگىروۆ اۋىلىنان كەيىنگى ەڭبەك اۋىلىنىڭ ماڭىندا بولعان.

اقسۋ اۋدانى اكىمىنىڭ ءباسپاسوز قىزمەتى اقپاراتتى راستادى.

«22 مامىر كۇنى ساعات 16:45-تە حابارلاما ءتۇستى. الماتى-وسكەمەن رەسپۋبليكالىق ماڭىزى بار جولدىڭ 395-شاقىرىمىنداعى ەڭبەك اۋىلىنىڭ تۇسىندا قالىڭ جاۋىن-شاشىن سۋى كوپىردى شايىپ كەتكەن. قۇبىر ءتارىزدى كوپىردىڭ ديامەترى - 3،5 م، تەرەڭدىگى - 3 مەتر. ماتاي-لەپسى اۋىلدارى ارقىلى اينالما جول بار»، دەلىنگەن اقسۋ اۋدانى اكىمى ءباسپاسوز قىزمەتىنىڭ حابارلاماسىندا.

ايانا توعانبەك

سوڭعى جاڭالىقتار

دوللار باعامى ءوستى

قارجى • بۇگىن، 16:12

ۇقساس جاڭالىقتار