وقيعا • 21 مامىر، 2022

شىمكەنتتە ءبىر ءۇيدىڭ ءۇش بالاسى كولىك ىشىندە تۇنشىعىپ، كوز جۇمدى

30 رەت كورسەتىلدى

قاراتاۋ اۋدانىندا ءبىر ءۇيدىڭ ءۇش بالاسى كولىكتىڭ جۇك سالاتىن بولىگىنە كىرىپ، شىعا الماي قالعان. ەكەۋى وقيعا ورنىندا كوز جۇمدى. ءۇشىنشىسى اۋرۋحاناعا جەتكىزىلگەنىمەن، امان الىپ قالۋ مۇمكىن بولمادى، دەپ حابارلايدى Egemen.kz.

«19 مامىردا قاراتاۋ اۋداندىق پوليتسيا باسقارماسىنىڭ 102 پۋلتىنە ءۇش كىشكەنتاي بالانىڭ اۆتوكولىكتىڭ جۇك سالعىشىندا تۇنشىققانى تۋرالى حابارلاما كەلىپ ءتۇستى. وقيعا ورنىنا بىردەن پوليتسيا قىزمەتكەرلەرى شىقتى. انىقتالعانىنداي، اتا-اناسى ۇيدە بولماعان. بالالار جۇك سالعىشقا كىرىپ، قاقپاعىن جاۋىپ الادى. سودان كەيىن قايتا شىعا الماي تۇنشىعىپ قالىپتى. ەكەۋى وقيعا ورنىندا قايتىس بولدى، ال ءۇشىنشى بالا بۇگىن رەانيماتسيادا كوز جۇمدى»، دەپ حابارلادى شىمكەنت قالاسى پوليتسيا دەپارتامەنتىنىڭ ءباسپاسوز قىزمەتى.

كورشىلەرىنىڭ ايتۋىنشا، كولىك ەسكىرىپ، اۋلادا تۇرعان. اعايىندى ۇشەۋدىڭ ەكەۋى - ۇل، بىرەۋى - قىز. ەكى بالا مەكتەپ جاسىندا بولعان.

پد ءباسپاسوز قىزمەتى اتالعان جايت بويىنشا سوتقا دەيىنگى تەرگەۋ امالدارى باستالعانىن ءمالىم ەتتى. وقيعانىڭ بارلىق ءمان-جايلارى انىقتالادى.

ايانا توعانبەك

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار