قايعىلى وقيعا 20 مامىردا بەلوگوركا اۋىلىندا بولعان. كوشەدە كەلە جاتقان 15 جاستاعى ءجاسوسپىرىم مەن 27 جاستاعى جىگىتكە جاي تۇسكەن.
«20 مامىردا ساعات 19:15-تە اقتوبە وبلىسى توتەنشە جاعدايلار دەپارتامەنتىنىڭ كەزەكشى-ديسپەتچەرلىك قىزمەتىنىڭ باسقارۋ پۋلتىنە بەلوگوركا اۋىلىنداعى تۇرعىن ءۇيدىڭ جانىندا ەكى ادامعا نايزاعاي جارقىلى تۇسكەنى تۋرالى حابارلاما كەلىپ ءتۇستى. وقيعا ورنىنا كەلگەن بويدا 2007 جىلى تۋعان بالانىڭ كوز جۇمعانى انىقتالدى, ال 27 جاستاعى ەر ادام اقتوبەدەگى جەدەل مەديتسينالىق جاردەم اۋرۋحاناسىنا جەتكىزىلدى. قازىرگى ۋاقىتتا ونىڭ دەنساۋلىق جاعدايى تۇراقتى», دەپ حابارلادى تج دەپارتامەنتىنەن.
اقتوبە وبلىسىنىڭ توتەنشە جاعدايلار دەپارتامەنتى قاۋىپسىزدىك ەرەجەلەرىن ساقتاۋدى ەسكە سالدى. اتاپ ايتقاندا, بيىك اعاشتار مەن ەلەكتر جەلىلەردىڭ جانىندا تۇرۋعا بولمايدى. نايزاعاي كەزىندە سۋعا تۇسپەگەن ءجون. سەبەبى جاي تۇسسە, سۋ ارقىلى مەرت قىلۋى ابدەن مۇمكىن.
ايانا توعانبەك
