تۇرىكمەنستان پرەزيدەنتى سەردار بەردىمۋحامەدوۆپەن كەزدەسۋ بارىسىندا بيىلعى جىل ەكى ەل اراسىندا ديپلوماتيالىق قاتىناستىڭ ورناعانىنا 30 جىل تولاتىن ايتۋلى جىل ەكەنى اتاپ ءوتىلدى.
تاراپتار ساۋدا-ەكونوميكالىق, اۋىل شارۋاشىلىعى جانە ەنەرگەتيكا سالالارىنداعى قازاقستان-تۇرىكمەنستان ىنتىماقتاستىعىنىڭ وزەكتى ماسەلەلەرىن تالقىلادى. سونىمەن قاتار قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ 2021 جىلعى 24-25 قازانداعى تۇرىكمەنستانعا مەملەكەتتىك ساپارى بارىسىندا قول جەتكىزىلگەن ۋاعدالاستىقتاردى ىسكە اسىرۋعا ەرەكشە نازار اۋدارىلدى.
سونداي-اق ساپار اياسىندا تۇرىكمەنستان مينيسترلەر كابينەتى توراعاسىنىڭ ورىنباسارلارى شاحىم ابدراحمانوۆپەن, چارى گىلىدجوۆپەن جانە ەسەنمىرات ورازگەلديەۆپەن جەكە كەلىسسوزدەر جۇرگىزىلدى, وندا ەكونوميكالىق ىنتىماقتاستىقتى ودان ءارى نىعايتۋدىڭ پراكتيكالىق شارالارى ەگجەي-تەگجەيلى قارالدى.
