«2021 جىلى 3 ءىرى وپەراتوردىڭ قىزمەتىنەن مەملەكەتتىك بيۋدجەتكە جالپى تىكەلەي تولەم كولەمى 7,5 ملرد دوللاردان اسىپ ءتۇستى», دەلىنگەن ۇكىمەت باسشىسىنىڭ جاۋابىندا.
پرەمەر-ءمينيستردىڭ دەرەگىنشە, «تەڭىزشەۆرويل» كومپانياسى ەلىمىزدىڭ بيۋدجەتىنە 4,5 ملرد دوللار تولەدى.
رەسپۋبليكا قاراشىعاناق جوباسىنان 2,6 ملرد دوللار الدى. ونىڭ ىشىندە پروفيت-ويل (ينۆەستوردىڭ كىرىسىن قالىپتاستىراتىن جانە رەسپۋبليكا بيۋدجەتىنە كەتەتىن مۇنايدىڭ بولىگى) تۇرىندەگى 1,98 ملرد دوللار - ۇلتتىق قورعا, جانە سالىق تۇرىندە 0,65 ملرد دوللار - جەرگىلىكتى جانە رەسپۋبليكالىق بيۋدجەتكە اۋدارىلدى.
ال سولتۇستىك كاسپي جوباسىنان ەلىمىزگە 0,4 ملرد دوللار (باسىم تولەم تۇرىندە 274 ملن دوللار جانە پروفيت-ويل تۇرىندە 170 ملن دوللار) ءتۇستى.
ايانا توعانبەك
