قوعام • 20 مامىر، 2022

جاستارعا ارنالعان تۇرعىن ءۇي باعدارلاماسى ىسكە قوسىلادى

46 رەت كورسەتىلدى

بارلىق وڭىردە اكىمدىكتەرىمەن بىرلەسكەن «وتباسى بانكىنىڭ» جەڭىلدەتىلگەن يپوتەكا باعدارلاماسىن ىسكە قوسۋ جوسپارلانىپ وتىر، دەپ حابارلايدى Egemen.kz. 

بۇل تۋرالى سەناتتاعى جاستاردى قولداۋ تاقىرىبىنا ارنالعان پارلامەنتتىك تىڭداۋدا پرەمەر-ءمينيستردىڭ ورىنباسارى ەرالى توعجانوۆ ءمالىم ەتتى.

«2025 جىلعا دەيىن بارلىق وڭىردە اكىمدىكتەرمەن بىرلەسكەن «وتباسى بانكىنىڭ» جەڭىلدەتىلگەن يپوتەكا باعدارلاماسىن ىسكە قوسۋ جوسپارلانىپ وتىر. قازىرگى كەزدە جاستارعا ارنالعان وڭىرلىك تۇرعىن ءۇي باعدارلامالارى 3 وڭىردە، ياعني نۇر-سۇلتان، الماتى جانە شىمكەنت قالالارىندا جۇزەگە اسىرىلىپ جاتىر. ەندى جىل سوڭىنا دەيىن باسقا دا وڭىرلەردە وسى تەكتەس باعدارلامانى ىسكە قوسۋ قاراستىرىلىپ وتىر»، دەدى ە. توعجانوۆ.

ونىڭ ايتۋىنشا، 2019 جىلدان بەرى جۇمىس ىستەيتىن جاستارعا 7 مىڭ جالعا بەرىلەتىن (نۇر-سۇلتان، الماتى جانە شىمكەنت) باسپانا ۇسىنىلدى. 2025 جىلعا دەيىن جۇمىس ىستەيتىن جاستارعا 12 مىڭ پاتەردى ۇسىنۋ جوسپارلانىپ وتىر.

«قازىرگى كەزدە «وتباسى بانكىنىڭ» جيناقتاۋشى باسپانا دەپوزيتتەرىندە 250 ملرد تەڭگەدەن استام سوماعا جاستاردىڭ (29 جاسقا دەيىنگى) 500 مىڭنان اسا دەپوزيتى اشىلدى. 2025 جىلعا قاراي جاستاردىڭ باسپانا جيناقتارىنىڭ كولەمىن 800 مىڭ دەپوزيتكە دەيىن جەتكىزۋ جوسپارلانىپ وتىر. ول ءۇشىن جاستار اراسىندا باسپاناعا الۋعا جيناق اشۋ مادەنيەتىن قالىپتاستىرۋ باعىتىندا جۇمىستار جۇرگىزىلىپ جاتىر. تۇرعىن ءۇي سالىمىن جيناقتاۋدىڭ ماڭىزىن ءبىزدىڭ جاستارىمىز ءتۇسىنۋى قاجەت. ءاربىر وتباسىنىڭ بەرەكەسى شاڭىراقتان باستالادى. ول ءۇشىن تىنىمسىز ەڭبەك پەن ۇقىپتى قارجى جيناقتاۋ مادەنيەتىنىڭ ماڭىزى ەرەكشە ۇلكەن»، دەدى ول.

ايانا توعانبەك

سوڭعى جاڭالىقتار

قانت تاپشىلىعى نەدە؟

ەكونوميكا • كەشە

بەنزين قىمباتتايدى

ەكونوميكا • كەشە

اق جەلەڭدىلەرگە العىس

مەديتسينا • كەشە

ادالدىقتىڭ ەتالونى ەدى

قازاقستان • كەشە

بۇيراتاۋ بازارلىعى

تۋريزم • كەشە

ءۇش ۇنسىزدىك

ونەر • كەشە

ۇقساس جاڭالىقتار