ءبىلىم • 20 مامىر، 2022

ستۋدەنتتەر مەن دوكتورانتتاردىڭ شاكىرتاقىسى وسەدى

82 رەت كورسەتىلدى

پرەمەر-ءمينيستردىڭ ورىنباسارى ەرالى توعجانوۆ بيىل ەلىمىزدە 10 مىڭ ورىندىق 31 جاتاقحانا پايدالانۋعا بەرىلەتىنىن ايتتى، دەپ حابارلايدى Egemen.kz

«ستۋدەنت جاستار ءۇشىن وزەكتى ماسەلەلەردىڭ ءبىرى جاتاقحانا تاپشىلىعى. ونى جۇيەلى شەشۋ ماقساتىندا سوڭعى 3 جىلدا 30 مىڭ ورىن بەرىلدى. بيىل 10 مىڭ ورىندىق 31 جاتاقحانا پايدالانۋعا بەرىلەدى»، دەدى ول.

سونداي-اق جاستاردىڭ تەگىن ءبىلىم الۋىنا مۇمكىندىكتەر كەڭەيتىلىپ جاتقانىن ايتتى.

«2025 جىلعا قاراي مەملەكەتتىك ءبىلىم گرانتتارىن 50 پايىزعا ۇلعايتۋ جوسپارلانعان. ونىڭ ىشىندە مەكتەپ بىتىرەتىندەردىڭ ورتاشا كورسەتكىشى جالپى رەسپۋبليكالىق دەڭگەيدەن تومەن وڭىرلەردىڭ جاستارىنا وزگە وڭىرلەردەگى ۋنيۆەرسيتەتتەردە ءبىلىم الۋى ءۇشىن بيىل العاش رەت ماقساتتى 10 مىڭ گرانت بولىنەدى»، دەدى ە. توعجانوۆ.

ونىڭ ايتۋىنشا، بۇل اتالعان ءوڭىر جاستارىنىڭ ءبىلىمىن لايىقتى دەڭگەيدە قامتاماسىز ەتۋگە باعىتتالعان جۇيەلى شەشىم.

«2025 جىلعا دەيىن ستۋدەنتتەر ستيپەندياسى جىل سايىن 20%-عا، ال ماگيسترانتتار مەن دوكتورانتتار ستيپەندياسى 15%-عا ارتادى. بۇل جالپى 130 مىڭعا جۋىق ستۋدەنت، دوكتورانتتى قامتيدى»، دەدى ۇكىمەت باسشىسىنىڭ ورىنباسارى.

 

 

ايانا توعانبەك

سوڭعى جاڭالىقتار

دوللار باعامى ءوستى

قارجى • بۇگىن، 16:12

ۇقساس جاڭالىقتار