قالالىق كريمينالدىق پوليتسيانىڭ مالىمەتىنشە, قىلمىستىق توپ ءۇش ەر ادام مەن ءبىر ايەلدەن تۇرادى. ولار الماتىنىڭ اۋەزوۆ اۋدانىندا جۇرگەن.
«بۇل توپ اقتوبە, قىزىلوردا جانە شىعىس قازاقستان وبلىستارىنان كەلگەن وتانداستارىمىزدان «جاساقتالعان». قولداعى دەرەكتەرگە سايكەس, ولار شاھارعا كەلىپ, قالانىڭ تۇرعىن الابىن ابدەن زەرتتەپ العان. الدىمەن كىرەبەرىس ەسىكتەردىڭ كىلتىن تاڭداۋ ارقىلى بوتەن پاتەرلەرگە كىرگەن. ۇرلىقتى ەر ادامدار جاساعان, ال ايەل التىن, اڭ تەرىسىنەن جاسالعان بۇيىمدار, تسيفرلىق تەحنيكا سياقتى ۇرلانعان م ۇلىكتەردى ساتۋعا جاۋاپتى بولعان.
الماتىدا قاسكويلەر جالدامالى پاتەرگە قونىستانعان. ارنايى ءىس-شارانىڭ ناتيجەسىندە ولار وتكەن كۇنى التىنسارين مەن شالياپين كوشەلەرىنىڭ قيىلىسىندا ۇستالدى», دەدى, الماتى قالالىق پد كريمينالدىق پوليتسيا باسقارماسىنىڭ باستىعى, پوليتسيا پولكوۆنيگى قۋاتبەك ناۋاتوۆ.
ۇستالعانداردىڭ تورتەۋى دە ۋاقىتشا ۇستاۋ يزولياتورىنا قامالدى. كەي مالىمەتكە قاراعاندا, ولار اقتوبە وبلىسىنىڭ اۋماعىندا دا پاتەر توناۋمەن اينالىسقان.
ء«بىز بۇل اقپاراتتى تەرگەۋ بارىسىندا ناقتى تەكسەرەتىن بولامىز. الماتىدا ۇرلانعان م ۇلىكتى ساتۋ ارناسىن دا انىقتايمىز», دەدى قۋاتبەك ناۋاتوۆ.
