جۋىردا وبلىس اكىمى ابىلقايىر سقاقوۆ Canarax Trading LLP كومپانياسىنىڭ قۇرىلتايشىلارى نيتينگ بحاتناگار جانە يبراھيم احمەت ابدوللا ءال حامماديمەن كەزدەستى. ءا.سقاقوۆ مەملەكەت باسشىسى قاسىم-جومارت توقاەۆتىڭ ينۆەستيتسيالىق جوبالاردى ىسكە اسىرۋدى ۇدەتۋ تۋرالى تاپسىرماسىنا سايكەس وڭىرلىك ماڭىزى بار يندۋستريالىق ايماقتى قۇرۋ بويىنشا جۇمىستار اتقارىلىپ جاتقانىن اتاپ ءوتتى.
– بۇل ءبىزدىڭ ءبىرىنشى كەزدەسۋ ەمەس. وتكەن جىلدىڭ ناۋرىز ايىندا ابۋ-دابيدە ءبىزدىڭ وكىلدەرىمىز ءوزارا ىنتىماقتاستىق تۋرالى مەموراندۋمعا قول قويعان ەدى. بۇدان كەيىن ەكىباستۇز قالاسىندا وڭىرلىك يندۋستريالىق ايماق قۇرىلدى. شاعىن يندۋستريالىق ايماقتىڭ جەتەكشى ينۆەستورى رەتىندە «Canarax Trading» كومپانياسى شاقىرىلىپ وتىر. ەكىباستۇز قالاسىنىڭ كەشەندى دامۋ جوسپارىن بەكىتۋ كەزىندە كومىر حيمياسىن دامىتۋعا باسىمدىق بەردىك. ءبىز ءۇشىن كومىر – ەكىباستۇزدىڭ باستى رەسۋرسى جانە شيكىزات بازاسى, – دەدى ءا.سقاقوۆ.
بۇل رەتتە ينۆەستورلارعا كومىر حيمياسىن دامىتۋ بويىنشا كومىر ك ۇلىن قالدىقسىز قايتا وڭدەۋ تەحنولوگياسىنىڭ, شايىندى سۋلاردى تازالاۋ ءۇشىن اردسوربەنتتەر ازىرلەۋدىڭ دايىن پاتەنتتەرى بار حيميا جانە كومىر ينستيتۋتىمەن ارىپتەستىك بايلانىس قۇرۋ ۇسىنىلدى.
كومپانيانىڭ قۇرىلتايشىسى نيتين بحاتناگار پاندەميا كەزەڭىندە قازاقستانمەن بايلانىس ورناتۋ قيىنعا سوققانىن, قازىر بىرلەسكەن جوبالاردى جۇزەگە اسىرۋعا مۇمكىندىك مول ەكەنىن ايتتى. ء«بىز يندۋستريالىق ايماقتى جۇزەگە اسىرۋ بويىنشا جۇمىس جۇرگىزىپ, الەۋەتتى ينۆەستورلارمەن كەزدەستىك. ەكىباستۇزداعى شاعىن يندۋستريالىق ايماقتىڭ تابىستى جۇمىس ىستەۋىن مىندەتىمىزگە الامىز», دەدى ول.
قازىردىڭ وزىندە ينۆەستورلار ەكىباستۇز قالاسىندا جانە «استانا» حالىقارالىق قارجى ورتالىعىندا «Canarax Ekibastuz Industrial Zone» جشس-ءىن تىركەپ ۇلگەرگەن. كەيىن يندۋستريالىق ايماقتىڭ باسقارۋشى كومپانياسى رەتىندە جۇمىسىن جالعاستىراتىن بولادى.
پاۆلودار وبلىسى
