رۋحانيات • 18 مامىر، 2022

تۇركولوگتىڭ تەلەگەي ەڭبەگى ەسكەرىلدى

48 رەت كورسەتىلدى

بۇگىن حالىقارالىق تۇركى اكادەمياسىندا كورنەكتى تۇركولوگ، ل.ن.گۋميلەۆ اتىنداعى ەۇۋ پروفەسسورى، فيلولوگيا عىلىمدارىنىڭ دوكتورى قارجاۋباي سارتقوجا ۇلىنىڭ 75 جاسقا تولۋىنا ارنالعان القالى جيىن ءوتتى. وندا تۇركى مادەنيەتى مەن جازۋىنا ولشەۋسىز ۇلەس قوسقان عالىمنىڭ ەڭبەگى جوعارى باعالانىپ، عالىم تۇركى اكادەمياسىنىڭ التىن مەدالىمەن ماراپاتتالدى.

جيىندى حالىقارالىق تۇركى اكادەمياسىنىڭ پرەزيدەنتى دارحان قىدىرالى جۇرگىزىپ، ءسوز بارىسىندا قازاقستانداعى بىردەن ءبىر تۇركولوگتىڭ مەرەيتويىن 18 مامىر – تۇركى جازۋى كۇنىمەن ارنايى ۇشتاستىرىپ وتىرعانىن قاپەرلەدى. سونىمەن قاتار كەزىندە تۇركولوگتىڭ ەڭبەگىن الكەي مارعۇلان، عابيت مۇسىرەپوۆتەردىڭ جوعارى باعالاعانىن ەسكە الدى. ء«الى تۇركى، تۇركىتانۋ دەپ ايتۋعا جۇرتتىڭ باتىلى بارماي تۇرعان كەزدە وسى سالاعا تۇرەن سالدىڭىز. ۇلكەن-ۇلكەن قوماقتى عىلىمي جاڭالىقتار اكەلدىڭىز. تۇركى وركەنيەتى مەن مادەنيەتىن زەرتتەپ قانا قويماي، دەموكراتيالى مونعوليانىڭ قازىرگى زاڭدارىنىڭ قالىپتاسۋىنا ۇلەس قوسقانىڭىزدى بىلەمىز. كوركەم ادەبيەتتە دە ورنىڭىز بار. كوركەم شىعارمالارعا كەيىپكەر بولىپ جاتىرسىز» دەگەن اكادەميا باسشىسى عالىمنىڭ بۇدان دا باسقا ەڭبەكتەرىنە توقتالىپ، وڭىرىنە تۇركى اكادەمياسىنىڭ التىن مەدالىن تاعىپ، يىعىنا شاپان جاپتى.    

دوڭگەلەك ۇستەل باسىنداعى باسقوسۋدا ل.ن.گۋميلەۆ اتىنداعى ەۇۋ پروفەسسورلارى جانتاس جاقىپوۆ، تۇرسىنحان  زاكەن ۇلى، بەلگىلى شىعىستانۋشى باقىت ەجەنحان، موڭعوليانىڭ قازاقستان رەسپۋبليكاسىنداعى ەلشىگىنىڭ ءبىرىنشى حاتشىسى دامبا باتسۋر تۇركولوگتىڭ قارجاۋباي سارتقوجا ۇلىن مەرەيتويىمەن قۇتتىقتاپ، تۇركولوگيا عىلىمىنداعى تولاعاي تابىسى تۋرالى اڭگىمەلەدى.

قارجاۋباي سارتقوجا ۇلى ورحون جازۋلارىمەن تىكەلەي  اينالىسقان، سول جازۋلاردى ەكسپەديتسيا ارقىلى زەرتتەگەن الەمدەگى ساناۋلى عالىمنىڭ ءبىرى. ول كونە تۇركى مۇراسىنىڭ شىراقشىسى سەكىلدى نارىنە ەركىن سۋسىنداپ،  قۇنارىنا ەنە زەرتتەدى. موڭعوليادا تۋىپ، كونە تۇركىنىڭ اتاجۇرت  توپىراعىندا ءومىر ءسۇرۋى، تۇركولوگيامەن شۇعىلدانۋى قارجاۋباي سارتقوجا ۇلىنىڭ باقىتى، تۇپتەپ كەلگەندە  ۇلتىنىڭ ىرىسى ەدى. سول سەبەپتەن دە عالىمنىڭ 2001 جىلى قازاقستانداعى ل.ن.گۋميلەۆ اتىنداعى ەۇۋ كەلۋى – ەجەلگى تۇركى رۋحانياتىن زەردەلەۋگە ەرەكشە ەكپىن بەردى.

باسقوسۋ سوڭىندا قارجاۋباي سارتقوجا ۇلى اكادەميا باسشىسى د.قىدىرالى مەن ءوزىن قۇتتىقتاي كەلگەن عالىمدار مەن مونعوليا ەلشىسىنە العىس ءبىلدىردى.

سوڭعى جاڭالىقتار

پرەزيدەنت الماتى اكىمىن قابىلدادى

پرەزيدەنت • بۇگىن، 14:07

وتكەن تاۋلىكتە 187 ادام ىندەت جۇقتىردى

كوروناۆيرۋس • بۇگىن، 10:40

دوللار ارزاندادى

قارجى • كەشە

ۇقساس جاڭالىقتار