ساياسات • 18 مامىر، 2022

ساياسي پارتيا قۇرۋ ءتارتىبى جەڭىلدەيدى

25 رەت كورسەتىلدى

كونستيتۋتسيالىق كەڭەستىڭ اپپارات باسشىسى، كونستيتۋتسياعا ەنگىزىلەتىن وزگەرىستەر مەن تولىقتىرۋلار جونىندە ۇسىنىستار دايىنداۋ بويىنشا جۇمىس توبىنىڭ مۇشەسى باقىت نۇرمۇحانوۆ پرەزيدەنتتىڭ پارتيادان شىعۋى ساياسي باسەكەلەستىكتى ارتتىرىپ، بارلىق پارتيالاردىڭ دامۋى ءۇشىن تەڭ جاعدايلار جاسايتىنىن ايتتى، دەپ حابارلايدى Egemen.kz.

«قازىر جوبادا پرەزيدەنت ساياسي پارتيادان شىعادى دەپ كورسەتىلگەن. مەملەكەت باسشىسى كونستيتۋتسيالىق رەفورمادان بۇرىن پارتيادان شىقتى. بۇل ءوز كەزەگىندە ساياسي باسەكەلەستىكتى ارتتىرادى. بولاشاقتا ساياسي پارتيالار تۋرالى زاڭعا دا وزگەرىستەر ەنگىزىلەدى. ساياسي پارتيا قۇرۋ ءتارتىبى ەداۋىر جەڭىلدەتىلىپ جاتىر. سوندىقتان ساياسي ارەنادا جاڭا ساياسي كۇشتەر پايدا بولىپ، وكىلدى ورگانداردا جاڭا دەپۋتاتتار سايلانۋى ىقتيمال»، دەدى باقىت نۇرمۇحانوۆ ورتالىق كوممۋنيكاتسيالار قىزمەتىندە.

ەسكە سالا كەتسەك، بيىلعى جولداۋدا قاسىم-جومارت توقاەۆ پرەزيدەنت ءوزىنىڭ وكىلەتتىگىن اتقارۋ كەزەڭىندە پارتياعا مۇشەلىگىن توقتاتا تۇرۋعا مىندەتتى ەكەنىن زاڭ جۇزىندە رەسىمدەۋدى ۇسىندى. ءساۋىر ايىندا AMANAT پارتياسىنىڭ توراعاسى رەتىندە پرەزيدەنتتىڭ وكىلەتتىگى توقتادى.

«مەن بۇعان دەيىن پارتيا توراعاسى لاۋازىمىنان بوساپ، ۇيىم قاتارىنان شىعاتىنىمدى ايتتىم. وسى ۇيعارىمدى جۇزەگە اسىراتىن كەز كەلدى. بۇگىننەن باستاپ AMANAT پارتياسىنىڭ توراعاسى رەتىندە وكىلەتتىگىمدى توقتاتىپ، پارتيادان شىعۋ تۋرالى شەشىم قابىلدادىم. بۇل قادامنىڭ سيمۆولدىق ءمانى بار. وسى ورايدا پرەزيدەنت سايلاۋىندا ماعان سەنىم ارتىپ، قولداعاندارىڭىز ءۇشىن بارشاڭىزعا العىسىمدى ايتقىم كەلەدى. سونداي-اق جاۋاپتى ساتتە پارتيا تىزگىنىن سەنىپ تاپسىرعاندارىڭىز ءۇشىن ريزاشىلىعىمدى بىلدىرەمىن»، دەگەن ەدى مەملەكەت باسشىسى.

سوڭعى جاڭالىقتار

قانت تاپشىلىعى نەدە؟

ەكونوميكا • كەشە

بەنزين قىمباتتايدى

ەكونوميكا • كەشە

اق جەلەڭدىلەرگە العىس

مەديتسينا • كەشە

ادالدىقتىڭ ەتالونى ەدى

قازاقستان • كەشە

بۇيراتاۋ بازارلىعى

تۋريزم • كەشە

ءۇش ۇنسىزدىك

ونەر • كەشە

ۇقساس جاڭالىقتار