ويىن بارىسىندا شۆەيتساريالىق قۇراما جيناقى قيمىل كورسەتتى. سوعان قاراماستان ءبىرىنشى كەزەڭدە ەسەپ اشىلعان جوق. ەكىنشى كەزەڭدە شۆەيتساريالىق دەنيس مالىگين 23-مينۋتتا ەسەپ اشسا, داريو سيمون 34-مينۋتتا ەسەپتى ۇستەمەلەي ءتۇستى. ءۇشىنشى كەزەڭدە شۆەيتساريالىق قۇراما باسىمدىقتى ارتتىرا تۇسكەن ەدى.
وسىنداي ساتتەردىڭ بىرىندە قازاقستاندىق حوككەيشى ەگور شالاپوۆ ايدىننان قۋىلدى. كەم قۇرامدا ويناعانىنا قاراماستان قازاقستاندىق دجەسسي بلەكەر مەرگەندىك تانىتتى. ويىننىڭ 55-مينۋتىندا شۆەيتساريالىق فابريس حەرتسوگ گول سوقسا, 57-مينۋتتا قازاقستاندىق ۆالەري ورەحوۆ كوزدەگەن نىسانادان ءمۇلت كەتكەن جوق.
وسىلايشا قازاقستان قۇراماسى قارسىلاسىنان 2:3 ەسەبىمەن جەڭىلىپ قالدى.
