ۇكىمەت • 17 مامىر، 2022

ۇكىمەت باسشىسى ۆەتەرينارلىق قىزمەتتىڭ جۇمىسىن رەگلامەنتتەۋدى تاپسىردى

36 رەت كورسەتىلدى

ۆەتەرينارلىق قىزمەتتەردىڭ جۇمىسىن رەگلامەنتتەۋ جانە ارا-جىگىن اجىراتۋ بويىنشا زاڭناماعا ءتيىستى وزگەرىستەر ەنگىزۋ قاجەت. بۇل تۋرالى بۇگىن ۇكىمەت وتىرىسىندا پرەمەر-مينيستر ءاليحان سمايىلوۆ ءمالىم ەتتى، دەپ حابارلايدى Egemen.kz

«مال شارۋاشىلىعىن دامىتۋ ناقتى ۆەتەرينارلىق باقىلاۋ ۆەرتيكالىن ۇيىمداستىرۋدى قاجەت ەتەدى. اۋىل شارۋاشىلىعى مينيسترلىگىنە ۆەتەرينارلىق قىزمەتتەردىڭ جۇمىسىن رەگلامەنتتەۋ جانە ارا-جىگىن اجىراتۋ، ولاردى ماتەريالدىق-تەحنيكالىق جاعىنان قامتاماسىز ەتۋ بويىنشا زاڭناماعا ءتيىستى وزگەرىستەر ەنگىزۋ جونىندەگى جۇمىستى جانداندىرۋدى تاپسىرامىن»، دەدى ءاليحان سمايىلوۆ.

ۇكىمەت باسشىسى تاۋارلىق مال شارۋاشىلىعىنىڭ ونىمدىلىگى نەگىزىنەن سەلەكتسيالىق-اسىل تۇقىمدىق جۇمىسقا، ياعني، مال باسىن اسىلداندىرۋعا بايلانىستى ەكەندىگىن باسا ايتتى.

«وسىعان وراي اۋىل شارۋاشىلىعى مينيسترلىگى سۋبسيديالاۋ جۇيەسىن جەتىلدىرۋ اياسىندا وسى باعىتتى دامىتۋعا قاتىستى قولداۋ شارالارىن پىسىقتاۋى قاجەت»، دەدى ول.

ايانا توعانبەك

 

سوڭعى جاڭالىقتار

اينالما جولدىڭ ازابى

ايماقتار • كەشە

ۇقساس جاڭالىقتار