«پاۆلودار وبلىسى ءىىد ەسىرتكى قىلمىسىنا قارسى كۇرەس بولىمشەسىنىڭ جەدەل قىزمەتكەرلەرى اقشا تابۋ ماقساتىندا زاڭسىز زاتتاردى ساتىپ الۋشىمەن تىكەلەي كەزدەسپەيتىن تاسىلمەن تاراتقان 32 جاستاعى ناركوكۋرەردى ۇستادى», دەدى وبلىستىق پوليتسيا دەپارتامەنتىنەن.
ءتارتىپ ساقشىلارى ەر ادامنىڭ تۇرعىلىقتى جەرىن تەكسەرۋ كەزىندە سالماعى 700 گرامنان اساتىن كريستالدى زاتتاردى انىقتادى. كەيىنىرەك قويمادان تاعى 390 گرامم ەسىرتكى تابىلعان.
«ساراپتاما ناتيجەلەرى تاركىلەنگەن زات جالپى سالماعى ءبىر كەلىدەن اساتىن سينتەتيكالىق ەسىرتكى ەكەنىن كورسەتتى», دەدى وبلىستىق پوليتسيا دەپارتامەنتىنىڭ باستىعى ۆاسيلي سكليار.
انىقتالعانداي, ۇستالعان ەر ادام ايماقتىق كۋرەر جانە ەسىرتكى قويماسىنىڭ وراۋشىسى بولعان. ول اسا ءىرى كولەمدەگى ەسىرتكى زاتتارىن قابىلداپ, كەيىن جاسىرىن ورىندارعا وراپ سالىپ جۇرگەن.
تاركىلەنگەن ەسىرتكىنىڭ ءبىر كەلىسى 5 مىڭنان استام ءبىر رەتتىك دوزانى قۇرايدى.
اتالعان فاكتى بويىنشا قر قىلمىستىق كودەكسى 297-بابىنىڭ 3-ءبولىمى (ەسىرتكى, پسيحوتروپتى نەمەسە ولارعا ۇقساس زاتتاردى زاڭسىز دايىنداۋ, وڭدەۋ, ساتىپ الۋ, ساقتاۋ, تاسىمالداۋ) بويىنشا سوتقا دەيىنگى تەرگەۋ امالدارى جۇرگىزىلۋدە. كۇدىكتى پاۆلودار قالاسىنىڭ ۋاقىتشا ۇستاۋ يزولياتورىنا قۇرىقتالدى.
