دەپۋتات كەزدەسۋ بارىسىندا ورتالىقتىڭ قىزمەتىمەن جانە ماتەريالدىق جابدىقتالۋىمەن, سونداي-اق قالا قاۋىپسىزدىگى, قوعامدىق ورىنداردى كۇتىپ-ۇستاۋدى باقىلاۋ, قۇقىق بۇزۋشىلىقتاردى انىقتاۋ جانە قىلمىستىڭ الدىن الۋ بويىنشا ىشكى ىستەر ورگاندارىمەن ءوزارا ءىس-قيمىل ماسەلەلەرىن ىسكە اسىرۋ پروتسەسىمەن تانىستى.
سەناتور سونىمەن قاتار جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىلىعىمەن جانە قىزمەتكەرلەرىمەن كەزدەسىپ, ەلوردا حالقىن الەۋمەتتىك قورعاۋ ماسەلەلەرىن تالقىلادى. باسقارما باسشىلىعى دەپۋتاتتى مەكەمەنىڭ جۇمىسىمەن تانىستىردى, سونداي-اق قازاقستان زاڭناماسىندا كوزدەلگەن ارنايى قىزمەتتەر كورسەتۋ, جاردەماقىلاردى تاعايىنداۋ جانە تولەۋ جونىندەگى الەۋمەتتىك باعدارلامالاردىڭ ىسكە اسىرۋ بارىسى تۋرالى حابارلادى.
دەپۋتات ا.لۋكين ءوز كەزەگىندە الداعى رەفەرەندۋم بويىنشا جۇرگىزىلىپ جاتقان جۇمىستار تۋرالى ايتىپ بەردى. اتاپ ايتقاندا, تالقىلاۋدىڭ نەگىزگى تاقىرىبى – كونستيتۋتسيالىق رەفورمالار بولدى.
«بيىلعى 29 ساۋىردە قازاقستان حالقى اسسامبلەياسىنىڭ سەسسياسى بارىسىندا مەملەكەت باسشىسى كونستيتۋتسياعا وزگەرىستەر جوباسىن بۇكىلحالىقتىق رەفەرەندۋمعا شىعارۋدى ۇسىندى. وندا ەلىمىزدىڭ ءاربىر ازاماتى جاڭا قازاقستاندى قۇرۋداعى مەملەكەتتىك شەشىمدەرگە ىقپال ەتە الاتىن بولادى. سوندىقتان ەلوردانىڭ ءاربىر تۇرعىنىنىڭ الداعى رەفەرەندۋمعا قاتىسۋى اسا ماڭىزدى», دەدى سەناتور اندرەي لۋكين.
