سەناتور عۇمار دۇيسەمباەۆ ءار ادامنىڭ ءوزى داۋىس بەرىپ, تاڭداۋ جاساي الاتىنىن اۋداندار مەن اۋىل تۇرعىندارىنا ايتىپ بەرۋ – وڭىرگە ساپاردىڭ باستى ماقساتى ەكەنىن اتاپ ءوتتى.
ء«ار داۋىستىڭ ماڭىزى بار. كونستيتۋتسياعا رەفەرەندۋم ارقىلى 1995 جىلدان بەرى وزگەرىس ەنگىزىلگەن جوق. سوندىقتان مەملەكەت باسشىسى وسىنداي ۇسىنىس جاسادى. ەندى ءبىزدىڭ ەلىمىزدىڭ ءاربىر تۇرعىنى قاتىسىپ, ءوز ۇستانىمىن ءبىلدىرۋى كەرەك. داۋىس بەرۋ قورىتىندىسى نەگىزىندە پارلامەنتتىڭ الدىندا كونستيتۋتسيالىق زاڭداردى قابىلداۋ بويىنشا اۋقىمدى جۇمىس تۇر», دەدى سەناتور دۇيسەمباەۆ اۋداندارعا ساپار كەزىندە.
سەناتورلار الداعى وقيعالاردى تالقىلاۋ ماقساتىندا جامبىل وبلىسىنىڭ ورتالىعى مەن جاقىن اۋداندارىنا عانا ەمەس, شالعاي اۋىلدارعا دا باراتىن بولدى.
دەپۋتاتتار سونىمەن قاتار بيۋدجەتارالىق قاتىناستاردى قالىپتاستىرۋ ماسەلەلەرى بويىنشا وتىرىس وتكىزدى. وتىرىسقا وبلىس باسشىلىعى دا قاتىستى.
كوميتەت حاتشىسى سۇلتانبەك ماكەجانوۆ مەملەكەتتىڭ ەكونوميكالىق دامۋى مەن جاڭا قازاقستاندى قالىپتاستىرۋدا بيۋدجەتارالىق قاتىناستاردى قالىپتاستىرۋدىڭ ماڭىزى زور ەكەنىن اتاپ ءوتتى.
«قابىلدانىپ جاتقان شارالار مەن 2019 جىلى جالپى سيپاتتاعى ترانسفەرتتەردى ەسەپتەۋ ادىستەمەسىنىڭ وزگەرۋىنە قاراماستان ءتۇرلى وڭىرلەردەگى ءومىر ءسۇرۋ دەڭگەيىن تەڭەستىرۋ, وڭىرلەر اراسىنداعى الشاقتىقتى ازايتۋ, تۇرعىندارعا مەملەكەت كەپىلدىك بەرگەن تەڭ قىزمەتتەردى ۇسىنۋ جونىندەگى مىندەتتەردى شەشۋگە مۇمكىندىك بەرمەيتىن بىرقاتار پروبلەمالىق ماسەلە بار», دەدى سەناتور.
