ايماقتار • 13 مامىر، 2022

ءىستى بولعان پاۆلودار وبلىستىق پوليتسيا باسشىلىعىنا قاتىستى تىڭ دەرەك جاريالاندى

49 رەت كورسەتىلدى

قر ىشكى ىستەر ءمينيسترى مارات احمەتجانوۆ  پاۆلودار وبلىستىق پوليتسيا دەپارتامەنتىنىڭ ەكس-باسشىسى مەن ونىڭ ورىنباسارىنىڭ ۇستالۋىنا قاتىستى پىكىر ءبىلدىردى، دەپ حابارلايدى Egemen.kz.

جەرگىلىكتى Pavlodarnews.kz سايتىنىڭ مالىمەتىنشە، سىبايلاس جەمقورلىققا قارسى اگەنتتىك اسا ءىرى مولشەردە پارا الۋ بويىنشا بۇل باعىتتا تەرگەۋ جۇرگىزىپ جاتىر.

«پاۆلودار وبلىسى پوليتسيا دەپارتامەنتىنىڭ بۇرىنعى باسشىسى مەن ونىڭ ورىنباسارى بيۋدجەتتىك قاراجاتتى جىمقىردى دەپ ايىپتالۋدا. سونىمەن قاتار، سوت سانكتسياسىمەن ۇستالعان بىرقاتار كاسىپكەرلەر بار. ولار كەلىسىپ ارەكەت ەتكەن. بۇگىندە بۇل ءىس بويىنشا تەرگەۋ ءجۇرىپ جاتىر. ايتا كەتۋ كەرەك، بۇل -  باقىلاۋسىزدىق. بۇگىندە بۇل ءىس بويىنشا تەرگەۋ ءجۇرىپ جاتىر. پوليتسيا دەپارتامەنتىنىڭ جانە جالپى ىشكى ىستەر ورگاندارىنىڭ يميدجىنە ۇلكەن زيان كەلتىرىلدى»، دەدى قر ىشكى ىستەر ءمينيسترى مارات احمەتجانوۆ.

مينيستر سىبايلاس جەمقورلىق قۇقىق بۇزۋشىلىقتار بايقالعانداردىڭ بارلىعىن قاتاردان تازارتۋ جۇرگىزىلەتىنىن ايتتى.

ء«بىز ولاردى تازارتامىز جانە باسشىلاردى جاۋاپكەرشىلىككە تارتۋ قاراستىرىلۋدا.  سەبەبى، بۇگىنگى تاڭدا ءبىزدىڭ قاتارىمىزدا ادال قىزمەتكەرلەر جۇمىس ىستەۋى كەرەك. بۇل باعىتتاعى جۇمىستار ودان ءارى جالعاساتىن بولادى»، دەدى مارات  احمەتجانوۆ.

ايتا كەتسەك، وبلىستىق پوليتسيا دەپارتامەنتىنىڭ  ەكس باستىعى نۇرلان ءماسىموۆ بيىلعى جىلدىڭ قاڭتار ايىندا قر ىشكى ىستەر ءمينيسترى ەرلان تۇرعىمباەۆقا جازعان باياناتىنا سايكەس، پاۆلودار وبلىسى پد باستىعى قىزمەتىنەن بوساتىلعان بولاتىن. 

پاۆلودار وبلىسىنىڭ سىبايلاس جەمقورلىققا قارسى قىزمەتى  اسا ءىرى مولشەردە پارا الدى دەگەن كۇدىكپەن سوتقا دەيىنگى تەرگەۋدى باستاعان (قىلمىستىق كودەكستىڭ 366-بابى 4-بولىگى بويىنشا). كەيىن ءساۋىر ايىندا بۇرىنعى باسشىعا ىزدەۋ جاريالاندى.

سونداي-اق كوپ  ۇزاماي   پوليتسيا دەپارتامەنتى باستىعىنىڭ ورىنباسارى بيۋدجەت قاراجاتىن جىمقىردى دەگەن كۇدىكپەن ۇستالدى.  

سوڭعى جاڭالىقتار

ۇقساس جاڭالىقتار