وقيعا 12 مامىردا جۋالى اۋدانى باۋىرجان مومىش ۇلى اۋىلىنان التى شاقىرىم جەردە باتىس ەۋروپا-باتىس قىتاي تاسجولىندا بولعان.
الدىن الا مالىمەت بويىنشا, اۆتوبۋس جۇرگىزۋشىسى رولگە يە بولا الماي, جولدا كەلە جاتقان تراكتور تىركەمەسىمەن سوقتىعىسقان. جۇرگىزۋشىنىڭ كومەكشىسى مەن جولاۋشى قايتىس بولدى. 48 ادام دارىگەر كومەگىنە جۇگىنىپ, 16 ادام اۋرۋحاناعا جاتقىزىلعان جانە تورتەۋى جانساقتاۋ بولىمىندە جاتىر.
وبلىستا اۆتوبۋستا بولعانداردىڭ تۋىستارى مەن جاقىندارىنا كومەك كورسەتۋ ءۇشىن سەنىم تەلەفونى اشىلدى. جەدەل جەلى تەلەفوندارى: 8 (7262) 51-35-75, 51-41-67.
اۆتوبۋس وزبەكستاننان الماتىعا باعىت العان. اۆتوبۋستا 53 ادام بولعان. ءبارى وزبەكستان ازاماتى. وقيعا كەزىندە اۆتوبۋستا سەگىز گاز باللونى بولعان. ابىروي بولعاندا ەشقايسىسى جارىلماعان.
ايانا توعانبەك
