ۇكىمەت • 13 مامىر، 2022

جەڭىلدەتىلگەن اۆتونەسيەگە وتىنىمدەر قابىلداۋ كەلەسى اپتادا باستالادى

77 رەت كورسەتىلدى

بۇل تۋرالى پرەمەر-ءمينيستردىڭ ءبىرىنشى ورىنباسارى رومان سكليار ءمالىم ەتتى، دەپ حابارلايدى Egemen.kz.

16 مامىردان بانكتەر جەڭىلدەتىلگەن اۆتونەسيەگە ءوتىنىمدى قابىلداۋدى باستايدى. بۇل تۋرالى ەلوردادا مۇناي-گاز ماشينا جاساۋ سالاسىن دامىتۋعا ارنالعان فورۋمدا قر ۇكىمەت باسشىسىنىڭ ءبىرىنشى ورىنباسارى رومان سكليار ءمالىم ەتتى.

جەڭىلدەتىلگەن نەسيە باعدارلاماسى بويىنشا قارجىلاندىرۋ سوماسى شامامەن 100 ملرد تەڭگەنى قۇرايدى. وڭىرلەردەگى اۆتوبۋستار پاركىن جاڭارتۋ ءۇشىن 30 ملرد تەڭگەگە جۋىق قاراجات بولىنەدى.

جەڭىل اۆتوموبيلدەردى ساتىپ الۋعا نەسيە بەرۋ كەلەسى شارتتار بويىنشا جۇزەگە اسىرىلادى:

– سىياقى مولشەرلەمەسى: 4%;

– نەسيەلەندىرۋ سوماسى: 10 ملن تەڭگەدەن ارتىق ەمەس;

– قارجىلاندىرۋ مەرزىمى: 7 جىلدان ارتىق ەمەس;

– باستاپقى جارنا: 0 % باستاپ;

– كولىك قۇرالىنىڭ قۇنى: 15 ملن تەڭگەدەن اسپايدى.

اۆتونەسيەنى ەكىنشى دەڭگەيدەگى بانكتەر بەرەدى. قارجىلاندىرۋدىڭ اشىقتىعىن قامتاماسىز ەتۋ ءۇشىن مينيسترلىكتەرمەن مىندەتتى شارت كوزدەلگەن. وعان سايكەس ەكىنشى دەڭگەيدەگى بانكتەردە قارىز الۋشىلارعا قارجىلاندىرۋدى ۇسىنۋدىڭ مارتەبەسى مەن مەرزىمىن قاداعالايتىن اۆتوماتتاندىرىلعان جۇيە بولۋى ءتيىس.

سونداي-اق قارىز الۋشىعا ەكى جىلدىڭ ىشىندە ءبىر رەتتەن ارتىق اۆتونەسيە الۋعا تىيىم سالاتىن شەكتەۋ ەنگىزىلگەن.

سوڭعى جاڭالىقتار

ۇقساس جاڭالىقتار