وسى جىلدىڭ ءى توقسانىندا نۇر-سۇلتان قالاسى بويىنشا ءمامس جۇيەسىنە قاتىسۋشىلار سانى 5817 ادامعا كوبەيدى: 2022 جىلدىڭ قاڭتار ايىندا 1 025 256 ادام بولسا, 2022 جىلدىڭ 1 ساۋىرىندەگى كورسەتكىش - 1 031 073. دەگەنمەن ەلوردا تۇرعىندارىنىڭ 217 728-ءى ءمامس جۇيەسىنەن تىس قالىپ وتىر.
ء«مامس بويىنشا مەديتسينالىق كومەك (تولىق تىزبەمەن قور سايتىندا مىنا سىلتەمە بويىنشا تانىسۋعا بولادى: https://fms.kz/kz/useful-to-know/chto-mozhno-poluchit-besplatno-osms/) «ساقتاندىرىلعان» مارتەبەسى بار ازاماتتارعا كورسەتىلەدى. بۇل رەتتە 15 جەڭىلدىك ساناتىنداعى 11 ملن ادامعا مەملەكەت جارنا تولەيدى. بۇل ادامدار ساقتاندىرىلعان جانە قوسىمشا اقىسىز مەديتسينالىق كومەك الۋى ءتيىس.
ساقتاندىرىلماعان ازاماتتارعا مەديتسينالىق قىزمەت تەك تەگىن مەديتسينالىق كومەكتىڭ كەپىلدىك بەرىلگەن كولەمىندە عانا كورسەتىلەدى, وعان شۇعىل جاعدايلاردا مەديتسينالىق كومەك, ۋچاسكەلىك ماماننىڭ قابىلداۋى, شۇعىل وپەراتسيالار, الەۋمەتتىك ءمانى بار اۋرۋلاردى ەمدەۋ, ت.ب. (تولىق تىزبەمەن قور سايتىندا مىنا سىلتەمە بويىنشا تانىسۋعا بولادى: https://fms.kz/kz/useful-to-know/chto-mozhno-poluchit-besplatno-gomb/) كىرەدى», دەپ ءتۇسىندىردى الەۋمەتتىك مەديتسينالىق ساقتاندىرۋ قورىنىڭ ەلورداداعى فيليالىنىڭ ديرەكتورى نۇرلىبەك قابدىقاپاروۆ.
