2022 جىلعى 10 مامىر ساعات 18:45-تە شىمكەنت قالاسى اباي اۋدانى, 4 شاعىن اۋدانى ر.قابىلبەكوۆ كوشەسى №25 مەكەنجايدا ورنالاسقان قۇرىلىسى بىتپەگەن عيماراتتىڭ جەرتولەسىندە ءورت بولعان.
جەرتولەدە 2011 جانە 2012 جىلى دۇنيەگە كەلگەن ەكى بالا وتپەن ويناپ, سالدارىنان جەرتولە ءىشى قارا تۇتىنگە ورانعان. جاس بالالار سىرتقا شىعا الماي قالعان.
حابار تۇسىسىمەن تەز ارادا وقيعا ورنىنا مامانداندىرىلعان جاساق قىزمەتكەرلەرى جونەلتىلدى.
«تۇتىنگە تۇنشىعىپ, ۇرەيگە بوي الدىرعان بالالارمەن «112» قىزمەتكەرلەرى ۇنەمى حاباردا بولىپ, ءىس-قيمىلدار ءتارتىبىن ءتۇسىندىرىپ وتىردى. جەدەل كەزەكشىنىڭ نۇسقاۋ بويىنشا بالالار ۇستىندەگى كيىمدەرىمەن تىنىس جولدارىن جاۋىپ, بارىنشا تۇتىننەن قورعانۋ امالدارىن جاساپ وتىردى. ءورت ورنىنا تەز جەتكەن مامانداندىرىلعان جاساقتىڭ قاراۋىل باستىعى ر. پيسمەنسكي, اعا ءورت سوندىرۋشىلەر ب. سيحىمباەۆ, ب. لەسكەن, گتقق اعا شەبەرى ءو.قۋانتاي تەز ارادا قويۋ تۇتىنگە ورانعان جەرتولەگە كىرىپ, تالىقسىپ جاتقان بالالاردى دەر كەزىندە ارنايى تىنىس الۋ اپپاراتتارىنا قوسىپ سىرتقا شىعارىپ, اپاتتار مەديتسينا ورتالىعى فيليالىنىڭ ماماندارىنا تابىستاعان», دەلىنگەن شىمكەنت قالالىق تجد تاراتقان حابارلامادا.
ءورت سوندىرۋشىلەر 2 بالانىڭ ءومىرىن قۇتقارىپ قالدى. جەرتولەدە 6 ش.م. قوقىس جانعان. ءورتتى سوندىرۋگە 3 تەحنيكا, جەكە قۇرامنان 13 ادام, اپاتتار مەديتسينا ورتالىعى فيليالىنىڭ 1 بريگاداسى جۇمىلدىرىلدى.
