ۆەدومستۆونىڭ مالىمەتىنشە, 10 مامىر كۇنى ساعات 16:00 شاماسىندا سۇرحانداريا وبلىسىنىڭ سارىاسى اۋدانىندا نوسەر جاۋىن سالدارىنان ءۇش ادامدى سەل شايىپ اكەتكەن. ولاردىڭ ءبىرى باقتاشى بولسا, تاعى ەكەۋى Nexia كولىگىندە وتىرعان. باقتاشى جويقىن سەلدەن قۇتىلىپ ۇلگەرگەن, ال كولىكتەگى ادامداردىڭ تاعدىرى بەلگىسىز.
قازىر ەلدىڭ توتەنشە جاعدايلار مينيسترلىگىنىڭ قىزمەتكەرلەرى, جەرگىلىكتى تۇرعىندار مەن باسقا دا ءتيىستى بولىمشەلەر قۇتقارۋ جانە ىزدەستىرۋ جۇمىستارىن جۇرگىزۋدە.
ايتا كەتەيىك, ءساۋىر ايىندا جاۋعان نوسەر جاڭبىردان وزبەكستاندا سوڭعى 80 جىلداعى ەڭ ءىرى سۋ تاسقىنى مەن سەل بولدى.
وزگيدرومەتتىڭ سوڭعى مالىمەتىنشە, 9-13 مامىردا وزبەكستاننىڭ تاۋلى ايماقتارىندا جاڭبىر جاۋادى, سوعان بايلانىستى سەل مەن سۋ تاسقىنى قاۋپى كۇشەيەتىنى كۇتىلۋدە.
