پرەزيدەنتتەر بۇل ساپاردىڭ قازاقستان رەسپۋبليكاسى مەن تۇركيا رەسپۋبليكاسى اراسىنداعى ستراتەگيالىق ارىپتەستىكتى ودان ءارى نىعايتۋعا ەلەۋلى ۇلەس قوسقانىن قاناعاتتانۋشىلىقپەن اتاپ ءوتتى.
تاراپتار وسى مالىمدەمەنى قابىلداۋ ارقىلى ەكى ەل اراسىنداعى قارىم-قاتىناستاردى «كەڭەيتىلگەن ستراتەگيالىق سەرىكتەستىك» دەڭگەيىنە كوتەرۋ تۋرالى شەشىم قابىلدادى.
تاراپتار ساپاردىڭ ەكى ەل اراسىندا ساياسي, اسكەري, قورعانىس, قاۋىپسىزدىك, ەكونوميكا, ساۋدا, ينۆەستيتسيا, ونەركاسىپ, تاۋ-كەن ونەركاسىبى, تۋريزم, ەنەرگەتيكا, ەكولوگيا, كولىك جانە ترانزيتتىك تاسىمال, اۆياتسيا, وتباسى جانە الەۋمەتتىك قىزمەتتەر, ەڭبەك جانە جۇمىسپەن قامتۋ, اۋىل شارۋاشىلىعى جانە ورمان شارۋاشىلىعى, اپاتتار مەن توتەنشە جاعدايلار, مادەنيەت, ءبىلىم, عىلىم جانە تەحنولوگيالار, يننوۆاتسيالار, ءباسپاسوز جانە كوممۋنيكاتسيالار, دەنساۋلىق ساقتاۋ, جاستار جانە سپورت, ارحيۆ سالالارىنداعى ورتاق مۇددەلەرگە نەگىزدەلگەن ىنتىماقتاستىقتى نىعايتۋ تۇرعىسىنان ماڭىزدى بەلەس بولعانىن اتاپ ءوتتى.
وسى رەتتە تاراپتار 2022 جىلعى 3-4 ناۋرىزدا نۇر-سۇلتان قالاسىندا وتكەن قازاقستان -تۇركيا ۇكىمەتارالىق ەكونوميكالىق كوميسسياسى (ۇەك) 12-ءشى وتىرىسىنىڭ جانە 2022 جىلعى 24 اقپاندا نۇر-سۇلتان قالاسىندا وتكەن بىرلەسكەن ستراتەگيالىق جوسپارلاۋ توبى 7-ءشى وتىرىسىنىڭ ناتيجەلەرىن جوعارى باعالاپ, ۇەك وتىرىسىندا 68 باپتان تۇراتىن ءىس-قيمىل جوسپارىنىڭ قابىلدانعانىنا ريزاشىلىعىن ءبىلدىردى.
تاراپتار اتالعان تەتىكتەردىڭ وڭىرلىك جانە حالىقارالىق وقيعالارعا قوسا, ەكى ەل اراسىنداعى قارىم-قاتىناستار تۇرعىسىنان ىنتىماقتاستىقتىڭ جاڭا باعىتتارى مەن جوبالارىن دامىتۋ ءۇشىن پايدالى نەگىز بولىپ تابىلاتىنىن جانە بارلىق سالالارداعى قارىم-قاتىناستار مەن ىنتىماقتاستىققا جوعارى دەڭگەيدە سەرپىن مەن باعىت-باعدار بەرەتىنىن اتاپ ءوتىپ, ولاردى جۇيەلى تۇردە ۇيىمداستىرۋدىڭ ماڭىزدىلىعىن اتاپ ءوتتى.
ءوزارا دوستىق پەن تۇسىنىستىك جاعدايىندا وتكەن كەزدەسۋلەر بارىسىندا تاراپتار قازاقستان – تۇركيا بايلانىستارىنىڭ قازىرگى جاعدايىن جانە قارىم-قاتىناستاردى بارلىق سالالاردا ودان ءارى دامىتۋ جانە تەرەڭدەتۋ مۇمكىندىكتەرىن جان-جاقتى قاراستىرىپ, وڭىرلىك جانە حالىقارالىق وزەكتى ماسەلەلەر بويىنشا پىكىر الماستى.
تاراپتار تۇركيا 2019 جىلى جاريالاعان «جاڭادان ازيا» باستاماسىنىڭ ەكى ەل اراسىنداعى كەڭەيتىلگەن ستراتەگيالىق سەرىكتەستىك قارىم-قاتىناستارىنا ءوزارا تيىمدىلىك نەگىزىندە ودان سايىن سەرپىن بەرۋىن كۇتەتىندەرىن ءبىلدىردى.
تۇرىك تاراپى باۋىرلاس قازاقستاننىڭ تاۋەلسىزدىگى, ەگەمەندىگى, اۋماقتىق تۇتاستىعى, ساياسي تۇراقتىلىعى مەن ءال-اۋقاتىنا دەگەن ءوزىنىڭ بەرىك قولداۋى مەن ءوزارا جاردەمدەسۋىن تاعى دا اتاپ ءوتتى.
قازاقستان تاراپى بۇل تۇرعىدا تۇركيانىڭ جانە تۇركيا ىسباسىنداعى توراعالىعىن جۇزەگە اسىرىپ وتىرعان تۇركى مەملەكەتتەرى ۇيىمىنىڭ كورسەتكەن قولداۋىنا ريزاشىلىعىن ءبىلدىردى.
تۇرىك تاراپى پرەزيدەنت قاسىم-جومارت توقاەۆتىڭ باسشىلىعىمەن ەلدە جۇرگىزىلىپ جاتقان اۋقىمدى رەفورمالارعا دەگەن بەرىك قولداۋىن راستادى.
وسى رەتتە تاراپتار 2022 جىلعى 2 ناۋرىزدا قازاقستان مەن تۇركيا اراسىنداعى ديپلوماتيالىق قارىم-قاتىناستاردىڭ 30 جىلدىعى اتالىپ وتكەنىن ەسكە سالا وتىرىپ, ەكى باۋىرلاس ەلدىڭ ورتاق تاريح, ءتىل جانە مادەنيەتكە نەگىزدەلگەن قارىم-قاتىناستارى مەن ىنتىماقتاستىعىن ءتيىمدى تۇردە دامىتا بەرۋگە ءارى وڭىردەگى بەيبىتشىلىك پەن تۇراقتىلىققا ۇلەس قوساتىنداي ىنتىماقتاستىقتى تەرەڭدەتۋگە دەگەن نيەتتەرىن قۋاتتادى. قازاقستان-تۇركيا اراسىنداعى ساياسي ديالوگتى ءتۇرلى دەڭگەيدەگى ءوزارا ساپارلار مەن كەزدەسۋلەر ارقىلى جالعاستىرۋدىڭ ماڭىزدىلىعىن اتاپ ءوتتى.
تاراپتار 1994 جىلعى 17 قازانداعى قازاقستان رەسپۋبليكاسى مەن تۇركيا رەسپۋبليكاسى اراسىنداعى دوستىق جانە ىنتىماقتاستىق تۋرالى كەلىسىمنىڭ, 2009 جىلعى 22 قازانداعى قازاقستان رەسپۋبليكاسى مەن تۇركيا رەسپۋبليكاسى اراسىنداعى ستراتەگيالىق ارىپتەستىك تۋرالى كەلىسىمنىڭ, قازاقستان مەن تۇركيا اراسىنداعى جوعارى دەڭگەيدەگى ستراتەگيالىق ىنتىماقتاستىق كەڭەسى وتىرىستارىنىڭ قورىتىندىلارى بويىنشا قابىلدانعان بىرلەسكەن مالىمدەمەلەر جانە باسقا دا ەكىجاقتى شارتتار مەن كەلىسىمدەردەگى ەرەجەلەردى باسشىلىققا الا وتىرىپ, تومەندەگىلەردى مالىمدەيدى:
- ەكى ەل اراسىنداعى تامىرى ورتاق تاريحقا, ءتىل مەن مادەنيەتكە نەگىزدەلگەن دوستىق پەن باۋىرلاستىق بايلانىستارىنا, تىعىز ساياسي ديالوگ پەن كوپ قىرلى ىنتىماقتاستىققا قاتىستى قاناعاتتانۋشىلىقتارىن ءبىلدىردى.
- سىرتقى ساياسات, قورعانىس جانە قاۋىپسىزدىك, ەكونوميكا, ساۋدا, ينۆەستيتسيا, ونەركاسىپ, تاۋ-كەن ونەركاسىبى, عىلىم جانە تەحنولوگيا, كولىك, اقپاراتتىق-كوممۋنيكاتسيالىق تەحنولوگيالار جانە كيبەرقاۋىپسىزدىك, ەنەرگەتيكا, قورشاعان ورتا جانە ۋربانيزاتسيا, دەنساۋلىق ساقتاۋ, وتباسى جانە الەۋمەتتىك قىزمەتتەر, ازىق-ت ۇلىك, اۋىل شارۋاشىلىعى, اپاتتار مەن توتەنشە جاعدايلار, ءبىلىم بەرۋ, بۇقارالىق اقپارات قۇرالدارى مەن كوممۋنيكاتسيالار, مادەنيەت, تۋريزم, سپورت, ارحيۆ سالالارىنداعى ىنتىماقتاستىق پەن ۇيلەستىرۋدى تەرەڭدەتۋ جانە وسى باعىتتاعى ەكىجاقتى ىنتىماقتاستىق تەتىكتەرىن ۇلعايتۋ ارقىلى ولاردى بارىنشا پايدالانۋعا كەلىستى.
- ەكى ەل اراسىنداعى كەلىسىمشارتتىق نەگىزدى نىعايتۋ ماقساتىندا ساپار بارىسىندا قول قويىلعان كەلىسىمدەرگە قاتىستى قاناعاتتانۋشىلىقتارىن ءبىلدىردى.
- ەكونوميكا جانە ساۋدا قاتىناستارىن دامىتۋ ماقساتىندا قۇرىلعان ىنتىماقتاستىق تەتىكتەرىنىڭ جۇيەلى جۇمىسىن جالعاستىرۋدىڭ جانە 2022 جىلعى 3-4 ناۋرىزدا نۇر-سۇلتان قالاسىندا وتكەن قازاقستان-تۇركيا ۇەك 12-ءشى وتىرىسىندا قابىلدانعان شەشىمدەردى مۇقيات ورىنداۋدىڭ ماڭىزدىلىعىن اتاپ ءوتتى. وسى ماقساتتا ۇەك ءىس-قيمىل جوسپارىنىڭ ورىندالۋىن جۇيەلى تۇردە قاراستىرۋ ماقساتىندا ەكى ەل قۇزىرەتتى مينيسترلىكتەرى مەن مەكەمەلەرىنىڭ قاتىسۋىمەن تۇراقتى كەزدەسۋلەر وتكىزۋگە كەلىستى.
- ەكىجاقتى ساۋدا كولەمىنىڭ تۇراقتى تۇردە ارتۋىن قاناعاتتانۋشىلىقپەن اتاپ ءوتىپ, الداعى جىلداردا ساۋدا كولەمىن 10 ملرد. دولل. جەتكىزۋ ءۇشىن قاجەتتى شارالاردى قابىلداۋدىڭ ماڭىزدىلىعىن اتاپ كورسەتتى.
- ەكى ەل اراسىنداعى ساۋدانى ىنتالاندىرۋ جانە ءوزارا تىكەلەي ينۆەستيتسيالاردى قولداۋ ماقساتىندا قازاقستان رەسپۋبليكاسىنىڭ سىرتقى ىستەر, ساۋدا جانە ينتەگراتسيا مينيسترلىكتەرى, تۇركيا رەسپۋبليكاسىنىڭ ساۋدا, يندۋستريا جانە تەحنولوگيا مينيسترلىكتەرى مەن پرەزيدەنتتىك ينۆەستيتسيا كەڭسەسىنىڭ ۇيلەستىرۋىمەن قاجەتتى شارالاردى قابىلداۋعا كەلىستى.
- ەكىجاقتى ەكونوميكالىق جانە ساۋدا ىنتىماقتاستىعىن تەرەڭدەتۋ ءارى ءارتاراپتاندىرۋ ءۇشىن شارتتىق نەگىزدى ودان ءارى نىعايتۋدىڭ ماڭىزدىلىعىن اتاپ ءوتتى.
- جەكە سەكتور بايلانىستارىنىڭ ماڭىزدىلىعىنا نازار اۋدارىپ, قازاقستان-تۇركيا ۇەك 12-ءشى وتىرىسى شەڭبەرىندە نۇر-سۇلتان قالاسىندا قازاق-تۇرىك ىسكەرلىك فورۋمىنىڭ وتكىزىلگەنىن قاناعاتتانۋشىلىقپەن اتاپ ءوتىپ, بۇل فورماتتاعى جيىنداردى جىل سايىن تۇراقتى ۇيىمداستىرۋعا كەلىستى.
- قازاقستاندىق حالىقارالىق دامۋ اگەنتتىگى (KazAID) جانە تۇرىك ىنتىماقتاستىق جانە ۇيلەستىرۋ اگەنتتىگى (تIكا) اراسىندا قول قويىلعان ىنتىماقتاستىق جونىندەگى ءوزارا تۇسىنىستىك تۋرالى مەموراندۋمى شەڭبەرىندە ەكى قۇرىلىم اراسىنداعى قارىم-قاتىناستاردى دامىتۋدىڭ ماڭىزدىلىعىن اتاپ ءوتتى.
- وڭىرلىك ەنەرگەتيكا قاۋىپسىزدىگىن دامىتۋ ماقساتىندا قازاقستاندا, تۇركيادا جانە ءۇشىنشى ەلدەردەگى جەكە سەكتور سالاسىنداعى مۇمكىندىكتەردى زەرتتەۋگە كەلىسىپ, بالامالى ەنەرگيا كوزدەرى, گيبريدتى تەحنولوگيالار, ەنەرگيا جيناقتاۋ سالاسىندا بىرلەسكەن ءىس-شارالار مەن كونسۋلتاتسيالار وتكىزۋگە نيەتىن ءبىلدىردى.
- ەنەرگەتيكا جانە تاۋ-كەن ونەركاسىبى سالالارىنداعى قارىم-قاتىناستاردى دامىتۋدىڭ ماڭىزدىلىعىن اتاپ ءوتىپ, ءوزارا تيىمدىلىك نەگىزىندە وسى سالالارداعى ەكىجاقتى جانە وڭىرلىك ىنتىماقتاستىقتى ىلگەرىلەتۋگە كەلىستى.
- ترانسشەكارالىق ورتالىقتاردى دامىتۋ سالاسىنداعى ءوزارا تۇسىنىستىك تۋرالى ەكىجاقتى مەموراندۋم شەڭبەرىندە ءىس-شارالاردى جۇزەگە اسىرۋ بويىنشا جول كارتاسىن دايىنداۋدى جانە بەكىتۋدى قولدادى.
- تۇركى الەمىنىڭ رۋحاني استاناسى – تۇركىستاندا «TURANSEZ» ارنايى ەكونوميكالىق ايماعىن دامىتۋعا مۇددەلىكتەرىن راستادى.
- ەكى ەلدەگى عىلىمي-زەرتتەۋ باستامالارىن قولداۋ, مەملەكەتتىك قىزمەت سالاسىندا بىرلەسكەن جوبالاردى جۇزەگە اسىرۋ, مەملەكەتتىك قىزمەتكەرلەردىڭ بىلىكتىلىگىن ارتتىرۋ, ەكى ەلدىڭ عىلىمي قىزمەتكەرلەرى ءۇشىن قىسقا جانە ۇزاق مەرزىمدى تاعىلىمدامالار ۇيىمداستىرۋ جانە ساراپشىلاردىڭ ءوزارا قاتىسۋىمەن عىلىم مەن تەحنولوگيادا ىنتىماقتاستىقتى دامىتۋ ماقساتىندا كەزدەسۋلەر, سەمينارلار جانە دوڭگەلەك ۇستەلدەر ۇيىمداستىرۋدى ورتاق ماقسات رەتىندە قابىلدادى.
- الەۋمەتتىك-ەڭبەك جانە وتباسى ساياساتى سالالارىنداعى اقپارات جانە تاجىريبە الماسۋداعى ىنتىماقتاستىقتىڭ ماڭىزدىلىعىن اتاپ ءوتتى.
- وڭىرلىك كولىك, كوممۋنيكاتسيا جانە ينفراقۇرىلىمدى دامىتۋدا ىنتىماقتاستىق جۇرگىزۋدى, تەمىر جولداردى, اۆتوموبيل جولدارىن, لوگيستيكالىق ورتالىقتاردى, اۋەجايلاردى جوبالاۋ, سالۋ جانە پايدالانۋ بويىنشا تاجىريبە الماسۋدى جانە وسى جوبالاردا حالىقارالىق قارجى ينستيتۋتتارىنان قارجىلىق كومەك الۋدا ىنتىماقتاستىق جۇرگىزۋدى ورىندى دەپ تاپتى.
- 2022 جىلعى 9 مامىردا انكارا قالاسىندا وتكەن قازاقستان-تۇركيا اراسىنداعى بىرلەسكەن كولىك كوميسسياسىنىڭ وتىرىسىندا قابىلدانعان شەشىمدەرگە سايكەس, قازاقستان جانە تۇركيا اراسىندا ەكىجاقتى جانە ترانزيت تاسىمالداۋىن دامىتۋ ماقساتىندا ىنتىماقتاستى جۇزەگە اسىرۋعا كەلىستى.
- باكۋ-تبيليسي-كارس تەمىرجولى مەن شىعىس-باتىس ورتا ءدالىز ارقىلى جۇك تاسىمالىنىڭ ۇلعايۋىن قۇپتاي وتىرىپ, كولىك جانە لوگيستيكا سالاسىنداعى ىنتىماقتاستىقتى ودان ءارى دامىتۋدى ۋاعدالاسقاندارىن مالىمدەدى. ورتا ءدالىز ارقىلى ترانسكاسپي باعىتىنداعى ۆاگوندار مەن كونتەينەرلەردىڭ تاسىمالداۋ بويىنشا بەكىتىلگەن مولشەرلەمەلەردى ەسكەرە وتىرىپ, ولاردىڭ باكۋ-تبيليسي-كارس جاڭا جەلىسى ارقىلى تاسىمالداۋدىڭ ماڭىزىنا نازار اۋداردى. سونىمەن قاتار ورتا ءدالىزدى ءتيىمدى جانە تۇراقتى پايدالانۋ ءۇشىن ءتيىستى مەكەمەلەر اراسىنداعى ۇيلەستىرۋدى كۇشەيتۋدىڭ ماڭىزدىلىعىن اتاپ ءوتتى.
- ەكونوميكا جانە ساۋدا قاتىناستارىن ودان ءارى دامىتۋدا قۇرىلىس سەكتورى مەن مەردىگەرلىك قىزمەتتەردىڭ ماڭىزدىلىعىن كورسەتە وتىرىپ, وسى سالاداعى ىنتىماقتاستىقتى دامىتۋ ءۇشىن قاجەتتى قادامداردى جاساۋعا شەشىم قابىلدادى.
- مادەنيەت جانە تۋريزم سالاسىنداعى ەكىجاقتى قارىم-قاتىناستاردى دامىتۋ ماقساتىندا ءتيىمدى ىنتىماقتاستىق تەتىكتەرىن پايدالانا وتىرىپ, COVID-19-عا قارسى ۆاكتسيناتسيا سەرتيفيكاتتارىن قوسا العاندا, قاۋىپسىز ساياحاتتى جەڭىلدەتۋ بويىنشا شارالار قابىلداۋدىڭ جانە تاجىريبە الماسۋدى جانداندىرۋدىڭ ماڭىزدىلىعىن اتاپ ءوتتى;
- ەكى ەل اراسىنداعى تۇراقتى جولاۋشى رەيستەر سانىن ارتتىرۋدىڭ ماڭىزدىلىعىن اتاپ ءوتىپ, ازاماتتىق اۆياتسيا مەكەمەلەرى اراسىندا كەلىسسوزدەر جۇرگىزۋ تۋرالى شەشىمدى قۇپتادى.
- اقپاراتتىق كوممۋنيكاتسيالىق تەحنولوگيالار سالاسىنداعى ىنتىماقتاستىقتى نىعايتۋدىڭ ماڭىزدىلىعىن اتاپ ءوتىپ, تسيفرلاندىرۋ, ونىڭ ىشىندە ستارتاپتاردى قولداۋ سالاسىندا تاجىريبە الماسۋعا جانە تەحنولوگيالىق پاركتەردىڭ ىنتىماقتاستىعىن نىعايتۋعا كەلىستى.
- قورشاعان ورتا جانە ۋربانيزم سالاسىنداعى ىنتىماقتاستىقتى نىعايتۋدىڭ ماڭىزدىلىعىن اتاپ ءوتىپ, وسى سالاداعى ىنتىماقتاستىقتى, ونىڭ ىشىندە تەحنيكالىق ءبىلىم مەن تاجىريبە الماسۋدى ىلگەرىلەتۋگە كەلىستى.
- ازىق-ت ۇلىك, اۋىل شارۋاشىلىعى سالالارىنداعى تەحنيكالىق ىنتىماقتاستىقتى دامىتۋ جانە قولدانىستاعى تەتىكتەردى تيىمدىرەك پايدالانۋ قاجەتتىگىن مالىمدەپ, 2023 جىلى تۇركيادا قازاقستاندىق بيزنەس وكىلدەرىنىڭ قاتىسۋىمەن اۋىل شارۋاشىلىعى سالاسىندا قازاق-تۇرىك ىسكەرلىك فورۋمىن جانە قازاق-تۇرىك اۋىل شارۋاشىلىعى جۇمىس توبىنىڭ وتىرىستارىن وتكىزۋ تۋرالى شەشىم قابىلدادى.
- اۋقىمدى ورمان ورتتەرىمەن كۇرەسۋدە جاردەمدەسۋمەن قوسا ورمان شارۋاشىلىعى ماسەلەلەرى بويىنشا ىنتىماقتاستىق باعىتتارىن دامىتۋدىڭ ماڭىزدىلىعىن اتاپ ءوتىپ, 2021 جىلعى تۇركياداعى الاپات ورمان ءورتى كەزىندە قازاق حالقىنىڭ كورسەتكەن كومەگىنە ريزاشىلىعىن ءبىلدىردى.
- وسىمدىكتەردى قورعاۋ جانە وسىمدىكتەر كارانتينى سالالارىنداعى ىنتىماقتاستىقتى نىعايتۋعا ۋاعدالاستى.
- ادام ءومىرى مەن دەنساۋلىعىن قاجەتتى دەڭگەيدە قورعاۋدى قامتاماسىز ەتۋ جانە ادام دەنساۋلىعىنا زياندى ونىمدەر مەن ازىق-ت ۇلىك ونىمدەرى جانە جانۋارلاردان جۇقپالى اۋرۋلارعا جول بەرمەۋ ماقساتىندا ىنتىماقتاستىقتىڭ ماڭىزدىلىعىن اتاپ ءوتتى.
- جوعارى وقۋ ورىندارى اراسىندا تىكەلەي بايلانىستار ورناتۋ, ءوزارا تاجىريبە الماسۋ, وقىتۋشىلاردىڭ بىلىكتىلىگىن ارتتىرۋ, عىلىمي سەمينارلار, كونفەرەنتسيالار مەن شەبەرلىك كۋرستارىن ۇيىمداستىرۋ, سونداي-اق بىرلەسكەن ءبىلىم بەرۋ سالاسىنداعى ىنتىماقتاستىق باعدارلامالارىن قولداۋدى قۋاتتادى.
- مادەني-گۋمانيتارلىق بايلانىستاردى نىعايتۋ, مادەنيەت پەن ونەر سالاسىندا ءوزارا ءىس-شارالاردى جۇزەگە اسىرۋ, ەكى ەل كينونارىقتارىندا قازاقستان مەن تۇركيادا شىعارىلعان جانە بىرلەسە تۇسىرىلگەن فيلمدەردىڭ كورسەتىلىمدەرىن ۇيىمداستىرۋ ماڭىزدىلىعىن اتاپ ءوتتى.
- اقپارات الماسۋدى, ستراتەگيالىق كوممۋنيكاتسيانى, قوعامدىق ديپلوماتيانى, مادەني بايلانىستاردى نىعايتۋ, ەكىجاقتى ينۆەستيتسيانى ۇلعايتۋ, ەلدەردىڭ برەند قۇندىلىعىن ارتتىرۋ جانە ينستيتۋتسيونالدىق قارىم-قاتىناستى جەتىلدىرۋ ماقساتىندا ءتيىستى باعدارلامالار نەگىزىندە باق قىزمەتكەرلەرىنىڭ كاسىبي داعدىلارىن دامىتۋ تۋرالى كەلىستى.
- مەملەكەت پەن قوعامنىڭ اشىقتىعى مەن ترانسپارەنتتىلىگى, ءتيىمدى مەملەكەتتىك باسقارۋ بويىنشا تاجىريبە مەن اقپارات الماسۋ, باق وكىلدەرى مەن مەملەكەتتىك مەكەمەلەردىڭ ءباسپاسوز وكىلدەرى ءۇشىن بىرلەسكەن وقۋ باعدارلامالارىن وتكىزۋ, اقپاراتتىق قاۋىپسىزدىكتى قامتاماسىز ەتۋ جانە گيبريدتى قاۋىپ-قاتەرلەرگە جاتاتىن دەزينفورماتسياعا قارسى كۇرەس بويىنشا پىكىر جانە اقپارات الماسۋ تۋرالى كەلىستى.
- Aقپارات سالاسىنداعى مەملەكەتتىك ساياساتتى دامىتۋدا جانە بۇقارالىق اقپارات قۇرالدارىن, الەۋمەتتىك جەلىلەردى جانە باق قىزمەتىن نىعايتۋعا قولداۋ كورسەتۋ بويىنشا قازاقستان مەن تۇركيانىڭ قۇزىرلى ورگاندارى اراسىنداعى ىنتىماقتاستىقتى ارتتىرۋعا, ءوزارا باعدارلامالاردى جۇزەگە اسىرۋعا كەلىستى.
- ەكى ەل اراسىنداعى گۋمانيتارلىق جانە مادەني قارىم-قاتىناستاردى تەرەڭدەتۋ ماقساتىندا ۇلتتىق ارحيۆ مەكەمەلەرى اراسىنداعى قالىپتاسقان ىنتىماقتاستىقتى قۇپتاپ, ونى ودان ءارى نىعايتۋدىڭ ماڭىزدىلىعىن اتاپ ءوتتى. مادەني ورتالىقتار تۋرالى كەلىسىمگە قاتىستى پروتسەستى مۇمكىندىگىنشە تەزىرەك اياقتاۋ تۋرالى شەشىم قابىلدادى.
- ەكى ەلدىڭ جاستار ساياساتى سالاسىنداعى ىنتىماقتاستىعىنا قاناعاتتاناتىندىقتارىن اتاپ ءوتىپ, وسى سالاداعى دوستىق ارىپتەستىك قارىم-قاتىناستاردى كەلىسىمشارتتار نەگىزىندە ودان ءارى دامىتۋدى قۇپتادى.
- دەنساۋلىق ساقتاۋ سالاسىنداعى ەكىجاقتى ىنتىماقتاستىق كەلىسىمىن جاڭارتۋ, مەديتسينالىق ءبىلىم مەن تاجىريبە الماسۋدى كۇشەيتۋ جانە ەپيدەميالىق اۋرۋلارمەن كۇرەستى قوسا العاندا, جەر سىلكىنىسى, سۋ تاسقىنى, ءورت جانە ت.ب. تابيعي اپاتتارعا قارسى بىرلەسىپ ارەكەت ەتۋ بويىنشا شەشىمدەرىن اتاپ ءوتتى.
- ەكى ەلدىڭ قارۋلى كۇشتەرى مەن قۇقىق قورعاۋ ورگاندارى اراسىندا ءوزارا ساپارلار جاساۋ, تاجىريبە الماسۋ, وقىتۋ, ۇيلەستىرۋ جانە بىرلەسكەن وقۋ-جاتتىعۋلار سياقتى ءىس-قيمىلداردى كوبەيتۋ تۋرالى شەشىم قابىلدادى.
- تەرروريزم مەن ەكسترەميزمنىڭ بارلىق تۇرلەرىنە قارسى تاباندى كۇرەسۋگە, ەكى ەلدىڭ ۇلتتىق قاۋىپسىزدىگىنە قاتەر توندىرەتىن بارلىق قۇرىلىمدارعا قارسى كۇرەستى كۇشەيتۋگە, قورعانىس پەن قاۋىپسىزدىك سالاسىنداعى ديالوگ تەتىكتەرى ارقىلى ىنتىماقتاستىقتى تەرەڭدەتۋگە كەلىستى.
- قورعانىس ونەركاسىبى سالاسىنداعى ىنتىماقتاستىقتى تەرەڭدەتۋ جانە وسى ماقساتتا بىرلەسكەن ءوندىرىستى قوسا العاندا, ءارتۇرلى ىنتىماقتاستىق مۇمكىندىكتەرىن قاراستىرۋ جانە جۇزەگە اسىرۋعا كەلىستى.
- ەكونوميكالىق, ساۋدا جانە مادەني قارىم-قاتىناستاردى ودان ءارى دامىتۋ جانە گۋمانيتارلىق بايلانىستاردى جەڭىلدەتۋ ماقساتىندا كونسۋلدىق ماسەلەلەر بويىنشا ىنتىماقتاستىقتى جالعاستىرۋ قاجەتتىلىگىنە نازار اۋداردى.
- وزدەرىنىڭ ىرگەلى مۇددەلەرىن, ەگەمەندىگى مەن اۋماقتىق تۇتاستىعىن قورعاۋعا, سىرتقى كۇشتەردىڭ ىشكى ساياساتقا ارالاسۋىنا جول بەرمەۋگە ءوزارا قولداۋ كورسەتەتىندىكتەرىن قۋاتتادى.
- جاھاندىق جانە وڭىرلىك تۇراقتىلىق, بەيبىتشىلىك پەن وركەندەۋ ماقساتىنا سايكەس بىرلەسىپ ارەكەت ەتۋ, تۇركى مەملەكەتتەرى ۇيىمى جانە باسقا حالىقارالىق ۇيىمداردا جانە كوپجاقتى پلاتفورمالاردا ۇيلەستىرۋدى قامتاماسىز ەتۋ, تۇركى مەملەكەتتەرى ۇيىمىنىڭ «تۇركى الەمىنىڭ كەلەشەگى – 2040» قۇجاتىن جۇزەگە اسىرۋ ءۇشىن ۇيلەسىمدى جۇمىس ىستەۋ, بارلىق مۇمكىن بولعان جاعدايلاردا تاراپتاردىڭ حالىقارالىق ۇيىمداردا ۇسىنىلعان شەشىمدەرى مەن باستامالارىن جانە كانديداتۋرالارىن ءوزارا قولداۋعا كەلىستى.
- يسلام ىنتىماقتاستىق ۇيىمىنىڭ كۇن تارتىبىندەگى ماسەلەلەر جانە يىۇ-عا قاراستى مەكەمەلەر, سونىڭ ىشىندە قازاقستاندا ورنالاسقان ازىق-ت ۇلىك قاۋىپسىزدىگى جونىندەگى يسلام ۇيىمى (IOFS), تۇركيادا ورنالاسقان يسلام ەلدەرىنىڭ ستاتيستيكا, ەكونوميكالىق جانە الەۋمەتتىك زەرتتەۋلەر مەن ءبىلىم بەرۋ ورتالىعى (SESRIC), يسلام تاريح, ونەر مەن مادەنيەتىن زەرتتەۋ ورتالىعى (IRCICA), يسلام ىنتىماقتاستىعى جاستار فورۋمى (ICYF), يسلام ەلدەرىنىڭ ستاندارتتار جانە مەترولوگيا ينستيتۋتى (SMIIC) جانە يىۇ ەكونوميكالىق جانە ساۋدا ىنتىماقتاستىق جونىندەگى تۇراقتى كوميتەتى (COMCEC) اياسىندا ىنتىماقتاستىقتى دامىتۋعا جانە تۇراقتى كونسۋلتاتسيالار وتكىزۋگە كەلىستى.
- ازياداعى ءوزارا ءىس-قيمىل جانە سەنىم شارالارى كەڭەسىن تولىققاندى ۇيىمعا اينالدىرۋ جونىندەگى قازاقستان توراعالىعىنىڭ باستاماسىن بىرتىندەپ جۇرگىزۋگە, سونداي-اق ونىڭ الەۋەتىن بىرلەسىپ دامىتۋعا نيەتتى ەكەندەرىن ءبىلدىردى.
- ءوزارا ماڭىزدى جاھاندىق ماسەلەلەر بويىنشا پىكىر الماسىپ, ۇستانىمدارىنىڭ ءبىر-بىرىنە سايكەس كەلەتىنىن قاناعاتتانۋشىلىقپەن اتاپ ءوتتى.
- ورتالىق ازياداعى ءوزارا تۇسىنىستىك پەن تاتۋ كورشىلىك قارىم-قاتىناستاردى قولداپ, وڭىردەگى قاۋىپسىزدىك پەن تۇراقتى دامۋعا ۇلەس قوسۋ جانە ءوزارا ءتيىمدى ىنتىماقتاستىقتى نىعايتۋدىڭ ەكى تاراپتىڭ مۇددەسىنە ساي كەلەتىنىن اتاپ ءوتتى.
- اۋعانستاندا بەيبىتشىلىكتى, تۇراقتىلىقتى جانە وركەندەۋدى قامتاماسىز ەتۋ ءۇشىن اۋعان حالقىنىڭ ساياسي جانە ەتنيكالىق تۇرعىدان بارلىق الۋان تۇرلىلىگىن قامتيتىن ينكليۋزيۆتى باسقارۋ تۇسىنىگىن ورنىقتىرۋدىڭ ماڭىزدىلىعىن اتاپ ءوتىپ, بۇل ەلدەگى تۇراقتىلىقتى ورناتۋدا حالىقارالىق كۇش-جىگەرگە ۇلەس قوسۋ ماقساتىندا اۋعان حالقىنا جان-جاقتى كومەك كورسەتۋدى جالعاستىرۋعا ورتاق بەيىلدىلىگىن قۋاتتادى.
- ەكى مەملەكەت اراسىندا سوڭعى جىلدارى قول قويىلعان ۇكىمەتارالىق كەلىسىمدەردىڭ كۇشىنە ەنۋى ءۇشىن قاجەتتى ىشكى كەلىسۋ راسىمدەرىن اعىمداعى جىلى ىشىندە اياقتاۋ, حالىقارالىق كەلىسىمدەردىڭ كۇشىنە ەنۋى جانە ىسكە اسىرىلۋى تۇرعىسىنداعى ۋاعدالاستىقتارىن راستادى.
قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ تۇركيا رەسپۋبليكاسىنىڭ پرەزيدەنتى رەدجەپ تايپ ەردوعانعا جانە بارشا تۇرىك حالقىنا قازاقستاندىق دەلەگاتسياعا كورسەتىلگەن قوناقجايلىلىعى مەن ىستىق ىقىلاسى ءۇشىن العىسىن ءبىلدىردى جانە تۇركيا رەسپۋبليكاسىنىڭ پرەزيدەنتىن 2022 جىلعى 12-13 قازاندا نۇر-سۇلتان قالاسىندا وتكىزۋ جوسپارلانعان اوسشك سامميتىنە شاقىردى.
اوسشك ءسامميتى اياسىندا جوعارى دەڭگەيلى ستراتەگيالىق ىنتىماقتاستىق كەڭەسىنىڭ 4-ءشى وتىرىسىن نۇر-سۇلتان قالاسىندا وتكىزۋگە كەلىستى.
تاراپتار وسى بىرلەسكەن مالىمدەمەگە 2022 جىلعى 10 مامىردا انكارا قالاسىندا قازاق جانە تۇرىك تىلدەرىندە قول قويدى.
ايانا توعانبەك
