دەپۋتات كەزدەسۋ بارىسىندا ينستيتۋت عالىمدارىنىڭ جۇمىسىن جوعارى باعالادى جانە مەملەكەتتىك ءتىلدى دامىتۋعا قوسقان ۇلەسى ءۇشىن بۇكىل ۇجىمعا العىس ايتتى. سەناتور ينستيتۋت اكتيۆىمەن بىرگە كونستيتۋتسياعا ەنگىزىلەتىن تۇزەتۋلەر بويىنشا الداعى رەفەرەندۋمدى دا تالقىلادى.
«ەلىمىزدىڭ بولاشاعى ءۇشىن الداعى رەفەرەندۋمنىڭ ماڭىزى زور. ازاماتتار وسىلايشا كونستيتۋتسيالىق رەفورمانى جۇزەگە اسىرۋعا تىكەلەي قاتىسىپ, بولاشاقتاعى جاڭا قازاقستان ءۇشىن داۋىس بەرە الادى. ۇسىنىلىپ وتىرعان تۇزەتۋلەر بويىنشا ءوز پىكىرىن ءبىلدىرۋ ءۇشىن قازاقستاندىقتاردىڭ باسىم بولىگى سايلاۋ ۋچاسكەلەرىنە كەلەدى دەپ سەنەمىن», دەدى سەناتور.
كەزدەسۋگە قاتىسۋشىلار سونداي-اق ءبىلىم بەرۋ سالاسىنىڭ وزەكتى ماسەلەلەرى تۋرالى, اتاپ ايتقاندا, قازاقستاندا رۋحاني مادەنيەتتى دامىتۋ جونىندە ۇسىنىستار ايتتى.
كەزدەسۋ بارىسىندا سەناتوردىڭ ساپارى وقىتۋشىلار قۇرامىنىڭ باستامالارىن ىلگەرىلەتۋدەگى ماڭىزدى قادام بولىپ تابىلاتىنى ايتىلدى. ءلاززات سۇلەيمەن عالىمدار كوتەرگەن پروبلەمالىق ماسەلەلەر جان-جاقتى زەرتتەلىپ, كەيىننەن سەنات كوميتەتىنىڭ جۇمىس وتىرىستارىنىڭ قاراۋىنا شىعارىلاتىنىن اتاپ ءوتتى.
