قۇتقارۋشىلار سۋ باسۋ جاعدايلارىن جويۋ بويىنشا جۇمىستاردى جالعاستىرۋدا, جاڭبىر سۋىن سورۋ جۇرگىزىلىپ جاتىر.
«جاڭاوزەن قالاسىنىڭ توتەنشە جاعدايلار ءبولىمى جەرگىلىكتى اتقارۋشى ورگاندارمەن بىرلەسىپ, جاڭاوزەن قالاسى ءورت ءسوندىرۋ ءبولىمىنىڭ ارنايى تەحنيكاسىن جانە سۋ سورعىش قۇرىلعىلاردى جۇمىلدىرا وتىرىپ, جاڭبىر سۋىن سورىپ جاتىر. بارلىعى 43 اۋلانى, ءتورت كوشەنى, ءتورت تۇرعىن ءۇيدى, ءۇش مەكتەپ پەن بالاباقشانى سۋ باسقان. وقۋ پروتسەسى توقتاتىلدى», دەدى وبلىستىق تجد-نىڭ جەدەل كەزەكشىسى يبرەم بايراموۆ.
ءبىلىم باسقارماسى سۋ باسقان ءبىلىم وشاقتارىنداعى جاعدايدى ايتتى.
«تولاسسىز جاۋعان جاڭبىر سالدارىنان بالاباقشا قىزمەتكەرلەرى مەن تاربيەلەنۋشىلەرى, سونداي-اق مەكتەپ وقۋشىلارى وقۋ ورىندارىنا كەلە المادى», دەپ حابارلادى ۆەدومستۆودان.
جاڭاوزەن قالاسى «راۋان» شاعىن اۋدانىنداعى №22 ورتا مەكتەپ, راحات اۋىلى «مەرەي» شاعىن اۋدانىنداعى №9 مەكتەپ, كەندىرلى اۋىلىنداعى №21, 23 مەكتەپتەر مەن №12 «راحات» بالاباقشاسىن سۋ باسقان.
