قر دەنساۋلىق ساقتاۋ مينيسترلىگىنىڭ دەرەكتەرى بويىنشا 2022 جىلعى 5 مامىرداعى جاعداي بويىنشا ءبىر جارىم مىڭنان استام قازاقستاندىق كۆي-دان ەمدەلۋدى جالعاستىرۋدا. 2020 جىلدىڭ ناۋرىز ايىنان ساناعاندا 1,3 ملن. استام ادام اۋىرىپ جازىلعان.
«Covid-19 باستان كەشكەن باسقا جۇقپالى جانە جۇقپالى ەمەس اۋرۋلاردىڭ اعىمىنا اسەرىن بىرلەسىپ زەرتتەۋ ءبىز تالقىلايتىن تاقىرىپتاردىڭ ءبىرى بولدى», دەدى استانا مەديتسينا ۋنيۆەرسيتەتىنىڭ باسقارما توراعاسى-رەكتورى كامالجان نادىروۆ.
ساپاردىڭ نەگىزگى ماقساتى – ءيزرايلدىڭ جەتەكشى جوعارعى وقۋ ورىندارى - تەل-اۆيۆ پەن يەرۋساليم ۋنيۆەرسيتەتتەرىنىڭ جۇمىسىمەن تانىسۋ جانە ستراتەگيالىق سەرىكتەستىك تۋرالى مەموراندۋم جاساسۋ ماسەلەسىن پىسىقتاۋ.
بۇل جوو-لار الەمنىڭ ۇزدىك ۋنيۆەرسيتەتتەرىنىڭ قاتارىنا كىرەدى (تەل-اۆيۆ QS World University Ranking توپ-300 جانە Times Higher Education World University Ranking توپ-300 كىرەدى, ال يەرۋساليم جوو - QS World University Ranking توپ-200 جانە Times Higher Education World University Ranking توپ-350 ەنگەن).
«بىرلەسكەن ۋنيۆەرسيتەتتەر قۇرۋ ماسەلەسىن پىسىقتاۋ استانا مەديتسينا ۋنيۆەرسيتەتىنىڭ بازاسىندا ءبىلىم بەرۋ باعدارلامالارى, ونىڭ ىشىندە ەكى ديپلومدى جانە MBA, دارىگەرلەر مەن مەيىربيكەلەردى دايارلاۋدى نەعۇرلىم ساپالى دەڭگەيگە شىعارۋعا مۇمكىندىك بەرەدى», دەپ اتاپ ءوتتى رەكتور.
يزرايل دەنساۋلىق ساقتاۋ مينيسترلىگىنىڭ حالىقارالىق ىنتىماقتاستىق دەپارتامەنتىنىڭ ديرەكتورى اشەر سالمونمەن كەزدەسۋ اياسىندا ءيزرايلدىڭ دەنساۋلىق ساقتاۋ مينيسترلىگىنىڭ استانا مەديتسينا ۋنيۆەرسيتەتى ديپلومىن تانۋ ماسەلەلەرىن تالقىلادى.
ساپار بارىسىندا, سونداي-اق, اكادەميالىق ۇتقىرلىق باعدارلامالارىن ۇيىمداستىرۋ, ياعني ۋنيۆەرسيتەت ستۋدەنتتەرى مەن وقىتۋشىلارىنىڭ يزرايلدىك كلينيكالاردا تاعىلىمدامادان ءوتۋى, سونداي-اق يزرايل ۋنيۆەرسيتەتتەرىنىڭ وقىتۋشىلارىن ۆيزيتينگ-پروفەسسورلار رەتىندە شاقىرۋ ماسەلەلەرى قاراستىرىلدى.
البەرت ەينشتەين نەگىزىن قالاعان يەرۋساليم ۋنيۆەرسيتەتىمەن PhD دوكتورلارى مەن پوستدوكتورانتۋرا دايارلاۋدىڭ بىرلەسكەن باعدارلاماسىن ىسكە قوسۋ ماسەلەسى كوتەرىلدى.
سونداي-اق, ۋنيۆەرسيتەت اۋرۋحانالارىنىڭ, اتاپ ايتقاندا, اسسۋتا مەديتسينالىق ورتالىعىنىڭ, «شيبا» مەديتسينالىق ورتالىعىنىڭ, حالىقارالىق دەڭگەيدە مويىندالعان كلينيكالىق جانە عىلىمي ورتالىقتار بولىپ تابىلاتىن حاداسسا اۋرۋحاناسىنىڭ جۇمىس تاجىريبەسى زەرتتەلدى.
ۋنيۆەرسيتەت اۋرۋحاناسىنىڭ ينفراقۇرىلىمىن قۇرۋ جانە دامىتۋ, بىلىكتى كادرلاردى دايارلاۋ جانە بىرلەسكەن كلينيكالىق زەرتتەۋلەر جۇرگىزۋ, سونداي-اق, وزىق مەديتسينالىق تەحنولوگيالاردى ەنگىزۋ ماسەلەلەرى بويىنشا «شيبا» مەديتسينالىق ورتالىعىمەن ىنتىماقتاستىق تۋرالى مەموراندۋمعا قول قويىلدى.
تاراپتار, سونىمەن قاتار, حاداسسا اۋرۋحاناسىنىڭ باسشىلىعىمەن نۇر-سۇلتان قالاسىندا وسى اۋرۋحانانىڭ فيليالىن اشۋ مۇمكىندىگى تالقىلاندى.
ايانا توعانبەك
