«ارىپتەستەرمەن جينالىستا جوعارى وقۋ ورنىنان كەيىنگى ءبىلىم بەرۋ بويىنشا كەيبىر ماسەلەلەردى تالقىلادىق. جيىندا دوكتورانتتارعا قازاقستان تاريحى, قازاق فيلوسوفياسى, قازاق ءتىلى مەن ادەبيەتى سياقتى گۋمانيتارلىق بەيىندەگى بىرقاتار باعىتتىڭ ەرەكشەلىگىن ەسكەرە وتىرىپ, قولدانىستاعى تالاپتارعا (WوS جانە Scopus تىزبەسىنە كىرەتىن باسىلىمداردا ماقالالار جاريالاۋ) بىرنەشە بالاما نۇسقالاردى قوسۋ ۇسىنىلدى. بالاما نۇسقالارعا توقتالساق, ا) ءبىلىم مەن عىلىم سالاسىندا ساپانى قامتاماسىز ەتۋ كوميتەتىنىڭ (بعسسقك) تىزىمىنە ەنگىزىلگەن جۋرنالداردا 5 ماقالا جانە عىلىمي كونفەرەنتسيالاردان 2 ماتەريال; ب) سەنىمدى باسپالاردا (Elsevier, Brill, CRC Press, DeGruyter, Edward Elgar Publishing, Springer Nature جانە باسقالارى), سونداي-اق US News Best Global Universities Rankings, Academic Ranking of World Universities نەمەسە Times Higher Education World University رەيتينگىنىڭ توپ-100 قۇرامىنا كىرەتىن ۋنيۆەرسيتەتتەردە مونوگرافيا شىعارۋ», دەدى مينيستر ا.ايماعامبەتوۆ.
ءمينيستردىڭ مالىمدەۋىنشە, بىلتىر بعسسقك تىزىمىنە ەنگىزىلگەن عىلىمي جۋرنالدارعا قويىلاتىن تالاپتار ەداۋىر كۇشەيتىلدى جانە تىزىمنەن ءالسىز جۋرنالداردى الىپ تاستاپ, ەسكى ءتىزىم تولىعىمەن جاڭارتىلدى. سول سەبەپتى ۆەدومستۆو باسشىسى بۇل شەشىمدى جۇمىستىڭ قيسىندى جالعاسى دەپ سانايتىنىن جەتكىزدى. ارينە, تولىققاندى دايەكسوز جۇيەسى بويىنشا جۇمىس سوزىلىپ كەتتى, بىراق سوعان قاراماستان ونىڭ قورىتىندىسى شىعارىلادى.
«WoS جانە Scopus تىزىمىنە ەنگىزىلگەن جانە سانكتسياعا بايلانىستى دەرەكتەر قورىنان جويىلعان عىلىمي جۋرنالداردا گرانتتىق قارجىلاندىرۋ اياسىندا جاريالانعان قازاقستاندىق عالىمداردىڭ ماقالالارىن, ەگەر بۇل ماقالالار بۇعان دەيىن جاريالانۋعا قابىلدانسا, ولاردى تانۋ مۇمكىندىگى تالقىلاندى. بۇدان بولەك, دوكتورانتۋراعا ءتۇسۋ كەزىندە ۇمىتكەرلەرگە وزدەرىنىڭ بولاشاق ديسسەرتاتسياسىنىڭ عىلىمي نەگىزدەمەسىن (research proposal) ۇسىنۋ ۇسىنىلدى. دوكتورانتتاردىڭ زەرتتەۋ قۇزىرەتتىلىگى بويىنشا ۇسىنىس بار. بۇعان دەيىن ءبىز دوكتورانتتاردىڭ «اكادەميالىق حات», «عىلىمي زەرتتەۋ ادىستەرى» پاندەرىن مىندەتتى تۇردە وقۋىن ەنگىزدىك. بۇل قۇزىرەتتەر كەز كەلگەن دوكتورانتقا عىلىمي زەرتتەۋلەردى ءوز بەتىنشە ورىنداۋ ءۇشىن قاجەت. وسى پاندەردى مەڭگەرۋ ءۇشىن بىلىكتىلىك ەمتيحانىن وتكىزۋ ۇسىنىلادى», دەدى ۆەدومستۆو باسشىسى.
ا.ايماعامبەتوۆتىڭ ايتۋىنشا, ءبىر عىلىمي جەتەكشىگە 15 دوكتورانت, كەيىن ءبىرىنشىسى قورعاۋدان وتە الماعان جاعدايدا تاعى بەسەۋىن بەكىتۋ تاجىريبەسى دۇرىس ەمەس. بۇگىندە عىلىمي جەتەكشىلەر كوپ جاعدايدا دوكتورانتتارمەن جۇمىس ىستەۋگە جەتكىلىكتى كوڭىل مەن ۋاقىت بولمەيدى. بۇل ماسەلەنى شەشۋ ءۇشىن جۇيەلى شارالار قاجەت. وسى ۇسىنىستاردى قوسىمشا ساراپتاما مەن تالقىلاۋدان وتكىزگەننەن كەيىن ناقتى شەشىم قابىلدانادى.
