ءىس-شارا ديپلومنان كەيىنگى ءبىلىم بەرۋدىڭ حالىقارالىق عىلىمي-زەرتتەۋ ينستيتۋتىمەن, الماتى قالاسىنىڭ مەديتسينالىق مەكەمەلەرىمەن, سونداي-اق قازاقستان-رەسەي مەديتسينالىق ۋنيۆەرسيتەتىمەن بىرلەسىپ ۇيىمداستىرىلدى.
كونفەرەنتسيانىڭ ماقساتى – دەنساۋلىق ساقتاۋ مەكەمەلەرى اراسىنداعى ءوزارا قارىم-قاتىناستى ۇيىمداستىرۋ جانە زاماناۋي مەديتسينالىق تەحنولوگيالاردى قولدانۋدا تاجىريبە الماسۋ.
ازاماتتىق جانە اسكەري دەنساۋلىق ساقتاۋ سالاسىنداعى جەتەكشى ماماندار COVID-19-دى, ونكولوگيالىق اۋرۋلاردى, وق ءتيىپ جارالانعان ناۋقاستاردى ەمدەۋ, بەيبىت جانە سوعىس ۋاقىتىندا توتەنشە جاعدايلار كەزىندە زارداپ شەككەندەرگە حيرۋرگيالىق كومەك كورسەتۋ جونىندە تاجىريبە الماستى.
«اسكەري دارىگەرلەر سيرەك اۋرۋلارى بار ناۋقاستاردى وڭالتۋدى دەربەستەندىرۋگە, ءار پاتسيەنت ءۇشىن اسا قولايلى ءدارى-دارمەكتەردى جانە ولاردىڭ مولشەرىن جەكە تاڭداۋعا, اسقىنۋلاردىڭ الدىن الۋدا ءتيىستى اسەرگە قول جەتكىزۋگە مۇمكىندىك بەرەتىن فۋنكتسيونالدى قان ءاناليزىنىڭ ادىستەمەسىن جاسادى. ارىپتەستەرىمىز دايىنداعان ازىرلەمە جونىندە پىكىر الماستىق», دەدى گوسپيتال باستىعىنىڭ ورىنباسارى مەديتسينا قىزمەتىنىڭ پودپولكوۆنيگى ابدۋۆالي پالتۋشەۆ.
اسكەري كلينيكالىق گوسپيتال دارىگەرلەرىنىڭ ارىپتەستەرىمەن تاجىريبە الماسۋى تۇراقتى تۇردە جۇرگىزىلەتىنىن اتاپ وتكەن ءجون.
