قازاقستان مەن تۇركيا كوشباسشىلارى ءبىرىن-ءبىرى ورازا ايت مەرەكەسىمەن قۇتتىقتادى جانە باۋىرلاس ەكى حالىقتىڭ ءوسىپ-وركەندەپ, جەتىستىككە جەتۋىنە تىلەكتەستىك ءبىلدىردى.
پرەزيدەنتتەر ساۋدا-ەكونوميكالىق, ينۆەستيتسيالىق جانە مادەني-گۋمانيتارلىق ىنتىماقتاستىقتى ودان ءارى نىعايتۋعا ءمان بەرە وتىرىپ, قازاق-تۇرىك ستراتەگيالىق سەرىكتەستىگىن دامىتۋدىڭ پەرسپەكتيۆالارىن تالقىلادى.
رەجەپ تايپ ەردوعان قاسىم-جومارت توقاەۆتىڭ 10-11 مامىردا تۇركياعا جوسپارلاعان مەملەكەتتىك ساپارى ەكى ەل اراسىنداعى جان-جاقتى ستراتەگيالىق سەرىكتەستىكتى كەڭەيتۋدىڭ ماڭىزدى بەلەسى بولاتىنىن ايتتى. مەملەكەتىمىزدىڭ باسشىسى انكاراداعى كەلىسسوزدەر وسىنداي دەڭگەيدە وتەدى دەگەن پىكىرمەن كەلىستى.
قازاقستان پرەزيدەنتى ەكونوميكالىق, گۋمانيتارلىق جانە مادەني بايلانىستاردى كەڭەيتۋدە تۇركى مەملەكەتتەرى ۇيىمىنىڭ ءرولى زور ەكەنىن اتاپ ءوتتى.
ەكى مەملەكەتتىڭ باسشىلارى ءداستۇرلى دوستىق راۋىشتە اڭگىمەلەستى.
