ء«ماجىلىستىڭ جالپى وتىرىسىندا تاعى ءبىر ماڭىزدى نورما قابىلداندى. ماسەلە ءبىر پمپك (پسيحولوگيالىق-مەديتسينالىق-پەداگوگيكالىق كونسۋلتاتسيالار) اشۋ ءنورماتيۆىن 60-تان 50 مىڭ بالاعا دەيىن وزگەرتۋ تۋرالى بولىپ وتىر. ياعني قازىرگى كۇنى 87 پمپك جۇمىس ىستەپ تۇرسا, ەندى ەلىمىزدىڭ بارلىق وڭىرىنەن قوسىمشا تاعى 40-قا جۋىق پمپك اشىلادى», دەدى مينيستر.
ءمينيستردىڭ بۇل ءسوزى بالالار جىلى اياسىنداعى ءبىلىم بەرۋ سالاسىنا ايرىقشا كوڭىل ءبوىلىنىپ, بالا قابىلەتىن دامىتۋداعى تىڭ باعىت ەكەنىن ايقىنداي تۇسەدى.
«ەستەرىڭىزگە سالا كەتەيىن, ۇلتتىق قوعامدىق سەنىم كەڭەسىنىڭ وتىرىسىندا پرەزيدەنت ۇكىمەتكە وسى ماسەلە بويىنشا شارالار قابىلداۋدى تاپسىرعان بولاتىن. بالالار جىلى اياسىندا وزەكتى جانە ۇزاق ۋاقىت بويى شەشىمىن تاپپاعان ماسەلەلەردى شەشۋگە باعىتتالعان بىرقاتار جاڭا باستاما ىسكە اسىرىلادى», دەپ جازدى اسحات ايماعامبەتوۆ.
