گالا-كونتسەرتتە بايقاۋدىڭ ۇزدىكتەرى ونەر كورسەتەدى.
ايتا كەتەيىك, ىرىكتەۋ تۋرلارى ەلوردانىڭ 8 جەرىندە ءوتتى. قازىلار القاسىنىڭ الدىندا قالانىڭ 115 ءبىلىم بەرۋ مەكەمەسىنەن 4 مىڭنان استام وقۋشى ونەر كورسەتتى.
بايقاۋ كۇندەرى شىعارماشىلىق ۇجىمدار مەن جەكە ورىنداۋشىلار «حورەوگرافيا», «اسپاپتىق جانر/جەكە ورىنداۋشىلىق», «اسپاپتىق جانر/انسامبلدەر», «ۆوكالدىق جانر/جەكە ورىنداۋشىلىق», «ۆوكالدىق جانر/انسامبلدەر», «حور», «تەاتر ونەرى», «ۆوكال جانرى/انسامبلدەر», «فوتوگرافيا», «3D مودەلدەۋ» نوميناتسيالارىندا سىنعا ءتۇستى.
قازىلار القاسى تالانتتى جاستاردىڭ دايىندىق دەڭگەيىن جوعارى باعالادى.
«بيىلعى جىلدى قازاقستان پرەزيدەنتى قاسىم-جومارت توقاەۆ بالالار جىلى دەپ جاريالادى, ونىڭ اياسىندا بىزدە XV «شاتتىق-2022» بالالار مەن جاسوسپىرىمدەر اراسىندا فەستيۆال-بايقاۋى وتۋدە. №1 بالالار مۋزىكا مەكتەبىندە جەكە, ەسترادالىق, اكادەميالىق ۆوكال, ءداستۇرلى ءان نوميناتسيالارى بويىنشا ىرىكتەۋ تۋرى ءوتتى. وعان جالپى ءبىلىم بەرەتىن مەكتەپتەردىڭ, كوللەدجدەردىڭ 153 وقۋشىسى قاتىستى. بالالار جوعارى دەڭگەيدە دايىندالدى», دەدى نۇر-سۇلتان قالاسىنىڭ №1 بالالار مۋزىكا مەكتەبىنىڭ ديرەكتورى بولات قىدىرمانوۆ.
قولا جانە كۇمىس جۇلدەگەرلەردىڭ ەسىمى بايقاۋ اياقتالعاننان كەيىن بەلگىلى بولدى. ءار نوميناتسيا بويىنشا جەڭىمپازدار مەن «شاتتىق-2022» گران-ءپريىنىڭ يەگەرى گالا-كونتسەرتتە جاريالانادى.
