ء«بىزدىڭ جۋرناليستەر ۇلتتى قازاقستاندىق قۇندىلىقتاردىڭ توڭىرەگىنە توپتاستىرۋ, مەملەكەتتىلىگىمىز بەن حالىق بىرلىگىن نىعايتۋ سياقتى ەڭ ماڭىزدى ميسسيانى اتقارىپ جاتىر... راسىندا دا ءبىزدىڭ زاماندا فەيك جاڭالىقتار, ءبىر سوزبەن ايتقاندا, جالعان اقپارات كەڭ ەتەك الدى. قازاقستانعا قاتىستى ۇلتتىق بىرلىككە نۇقسان كەلتىرۋدى كوزدەيتىن ماقساتتى جالعان اقپارات دەپ اتالاتىن ەرەكشە باعىت بار. ءبىز بۇل ماسەلەدە اسا قىراعى بولىپ, ارانداتۋشىلىققا بوي الدىرماۋىمىز كەرەك», دەدى قاسىم-جومارت توقاەۆ
پرەزيدەنتتىڭ ايتۋىنشا, قازاقستانداعى باسپا باق, راديو, تەلەديدار, جالپى العاندا, ۇلتارالىق قاتىناستار سالاسىن وبەكتيۆتى تۇردە كورسەتەدى.
«بىراق الەمدە بولىپ جاتقان سوڭعى وقيعالار كەيدە قوعامىمىزدى اقپاراتتىق تۇرعىدان اداستىرىپ جىبەرەتىنىن دە كورىپ ءجۇرمىز. ەلىمىزدىڭ ءاربىر ازاماتى قوعامدىق سالاعا قادام باسقاندا ۇلتتىق مۇددەلەرىمىزدى, قازاقستاننىڭ ۇلتتىق مۇددەلەرىن, قازاقستاندىق پاتريوتيزم قاعيداتتارىن باسشىلىققا الۋى اسا ماڭىزدى. بۇرىنعىداي بولعان جانە بولا بەرەتىن سىرتقى قاقتىعىستار حالىق اراسىندا ارازدىق تۋدىرۋدا ۇلتارالىق ارازدىقتى قوزدىرۋ ءۇشىن پايدالانىلۋىنا جول بەرىلمەيدى», دەدى مەملەكەت باسشىسى.
