«قۇقىق قورعاۋ قىزمەتى ۇنەمى جەتىلدىرىپ وتىرۋدى قاجەت ەتەدى. ويتكەنى ونى ەتنوسارالىق قاتىناستا قولدانۋ وزەكتى. اسسامبلەيا مۇشەلەرى تەك ەتنومادەني سالادا, قايىرىمدىلىق پەن ۆولونتەرلىكتە عانا ەمەس, ادام قۇقىقتارىن پايدالانۋ, ەتنومەدياتسيا, جاستارمەن جۇمىس, كيكىلجىڭدەردىڭ الدىن الۋ, كيكىلجىڭدەردەن كەيىنگى رەتتەۋ جۇمىستارىندا دا قاجەتتى دەڭگەيدە بەلسەندىلىك تانىتۋى كەرەك», دەدى قاسىم-جومارت توقاەۆ قازاقستان حالقى اسسامبلەياسىنىڭ ءحححى سەسسياسىندا.
پرەزيدەنتتىڭ پايىمىنشا, بۇل تاقىرىپتار اسسامبەليانىڭ بۇكىل قوعامدىق قۇرىلىمدارىنىڭ ۇنەمى نازارىندا بولۋى قاجەت.
«مەن ۋاكىلەتتى ورگاندارعا ءتيىستى شارالار قابىلداۋدى تاپسىرامىن. اسسامبلەيا مەدياتسيا بازاسىندا بىرەگەي كاسىبي مامىلەگەرلەر ينستيتۋتىن قالىپتاستىرۋعا كىرىستى. بۇل قولداۋعا لايىق جۇمىس, بۇل – ىسكە دەگەن تۇبەگەيلى جاڭا كوزقاراس», دەدى مەملەكەت باسشىسى.
