ناۋرىز ايىنىڭ سوڭىندا ەسىرتكى قىلمىسىنا قارسى كۇرەس ءبولىمىنىڭ قىزمەتكەرلەرى ەسىرتكىنى زاڭسىز ساقتادى دەگەن كۇدىكپەن سەمەي قالاسىنىڭ 44 جاستاعى تۇرعىنىن ۇستادى. ونىڭ ۇيىنە ءتىنتۋ جۇرگىزۋ بارىسىندا كىرەبەرىس بولمەسىندە جانە مونشادا وزىنە ءتان ءيىسى بار وسىمدىك تەكتەس جاسىل ءتۇستى زاتى بار 3 پوليمەرلى پاكەت تابىلىپ, تاركىلەندى. سونداي-اق, ەر ادامنىڭ قالتاسىنان ىشىندە قوڭىر ءتۇستى قاتتى زاتى بار پوليمەرلى تۇيىنشەك تابىلدى.
ساراپتاما قورىتىندىسىنا سايكەس, الىنعان زات جالپى سالماعى 5 778,00 گرامم كەپتىرىلگەن ماريحۋانا. ەر ادامنىڭ قالتاسىنان تابىلعان زات سالماعى 1,36 گرامم گاشيش بولىپ شىقتى.
كۇدىكتى پوليتسيا بولىمىنە جەتكىزىلدى, ودان جاۋاپ الۋ كەزىندە ول كىناسىن مويىندادى.
اتالعان فاكتى بويىنشا قر قك-ءنىڭ 296-بابىنىڭ 2-بولىگى (ەسىرتكى, پسيحوتروپتىق زاتتارمەن, سول تەكتەستەرمەن وتكىزۋ ماقساتىنسىز زاڭسىز جۇمىس ىستەۋ) بويىنشا سوتقا دەيىنگى تەرگەۋ باستالدى. وسى باپتىڭ سانكتسياسى 40 تاۋلىككە دەيىنگى مەرزىمگە قاماۋعا الۋ تۇرىندەگى جازانى كوزدەيدى.
ايانا توعانبەك
