«ەۋروپالىق كوميسسيا شەنگەن ۆيزاسىن الۋ پروتسەسىن تسيفرلاندىرۋدى ۇسىنادى. بۇل رەتتە ۆيزالىق جاپسىرمانى الماستىرىپ, ءوتىنىشتى ەۋروپالىق ونلاين-ۆيزا پلاتفورماسى ارقىلى قاشىقتان بەرۋ مۇمكىندىگىن ەنگىزۋ قاراستىرىلىپ وتىر. جاڭا پاكتىدە 2025 جىلعا قاراي ۆيزالىق پروتسەدۋرانى تولىقتاي تسيفرلاندىرۋ ماقساتى قويىلعان», دەلىنگەن ەك مالىمدەمەسىندە.
ەك پايىمداۋىنشا, بۇل شەشىم ء«وتىنىش بەرۋشىگە ۆيزانى ناقتى باراتىن ەلىنەن ەمەس, اناعۇرلىم تەزىرەك راسىمدەپ بەرۋدى ۇسىناتىن شەنگەن كەلىسىمى بار وزگە مەملەكەتتەن ساتىپ الۋعا» قاجەتتىلىك قالدىرمايدى. دەمەك ۆيزا الۋشىنىڭ ۋاقىتى مەن قاراجاتى ۇنەمدەلەدى.
«سونداي-اق ۆيزا الۋ پروتسەسىن تسيفرلاندىرۋ جاپسىرمالارعا قاتىستى جالعان جاسالۋ, الاياقتىق پەن ۇرلىق سياقتى ىقتيمال قاۋىپتەردى قىسقارتادى. سونىمەن بىرگە بۇل قادام ەۋرووداقتىڭ مەملەكەتتىك قىزمەتتەردى مودەرنيزاتسيالاۋ مەن تسيفرلاندىرۋدى ىنتالاندىرۋ جونىندەگى ۇستانىمىنا سايكەس كەلەدى», دەيدى ەك.
ەۋروپالىق كوميسسيانىڭ بۇل ۇسىنىسى ەۋروپارلامەنت جانە ەۋرووداق كەڭەسى تاراپىنان ماقۇلدانۋى كەرەك.
«سودان كەيىن مۇشە مەملەكەتتەردىڭ ورتاق ونلاين-ۆيزالىق پلاتفورماعا اۋىسۋىنا 5 جىل ۋاقىتى بولادى. پلاتفورما 2024 جىلى جاساقتالىپ, 2026 جىلى ىسكە قوسىلۋى مۇمكىن. اۋىسۋعا بەرىلەتىن بەس جىلدىق مەرزىمدى ەسەپكە العاندا, بارلىق مۇشە مەملەكەتتەر ونى 2031 جىلى قولدانا الادى», دەپ حابارلايدى ەك.
