قىزىلاعاشتىق جاستاردىڭ قۋانىشى

ءبىرازدان بەرى كوپشىلىكتىڭ كو­ڭىلىن الاڭداتقان قىزىلاعاشتاعى تاسقىن سالدارىنان بولعان زار­داپ­تى جويۋ شارالارى بىرتىندەپ ار­ناسىنا ءتۇسىپ كەلەدى. تۇرعىن­داردىڭ العاشقى لەگى ساۋلەتتى ۇيلەرگە كىرىپ قۋانسا, قالعاندارى دا قۇرىلىسى اياقتالۋعا جاقىن باس­پانالارىن اسىعا كۇتۋدە. تاس­قىننان ۇلكەندەر عانا ەمەس, جاس ۇرپاق تا قيىنشىلىققا تاپ بول­دى. ويتكەنى, مۇنداعى مەكتەپ عي­ماراتى زارداپ شەگىپ,  وقۋشىلار تالدىقورعان قالاسى مەن باسقا دا ءبىلىم شاڭىراقتارىندا وقۋلارىن جالعاستىرۋلارىنا تۋرا كەلگەن-ءدى. مىنە, وقۋ جىلى دا  اياقتالۋعا جا­قىن. ەندى مەكتەپ ءبىتىرۋشى تۇلەك­تەردى الداعى بىرىڭعاي ۇلتتىق تەس­تىلەۋگە قاتىستى ماسەلەلەر ويلان­دىرۋدا. وبلىسقا ىسساپارمەن كەلگەن ءبىلىم جانە عىلىم ءمينيسترى جان­سەيىت تۇيمەباەۆ تاسقىننان زارداپ شەككەن اۋىلدا بولىپ, قىزىل­اعاش, ەگىنسۋ ەلدى مەكەندەرىندەگى مەك­تەپ ءبىتىرۋشى تۇلەكتەرمەن كەز­دەستى. مينيستر اتالعان ەلدى مە­كەن­دەردەگى تۇلەكتەردىڭ ۇبت-نى بەل­گىلەنگەن ۋاقىتتا ەمەس, ءبىر جارىم اي كەيىن, ياعني شىلدەنىڭ 19-ى مەن 26-سى ارالىعىندا تاپ­سىرۋعا مۇمكىندىك جاسالعاندىعىن جەت­كىز­دى. سىناق بارىسىندا وقۋعا قا­بىل­دانۋعا ءتيىس ەڭ تومەنگى 50 بال­لعا قول جەتكىزگەن شاكىرتتەر كون­كۋرسقا تۇسكەندە جەڭىلدىك جا­سا­لا­تىن بولدى. اتالعان اۋىل­دار­داعى جوعارى وقۋ ورنىنىڭ اقىلى بولىمىندە وقيتىندارعا ەكىنشى جار­تىجىلدىقتىڭ اقىسىن تولە­مەيتىندىگى جانە جاتاقحانالاردا تەگىن تۇرۋ مۇمكىندىگى جاسالاتىنى دا ايرىقشا قامقورلىق دەۋگە بولادى. كەزدەسۋدە مەكتەپ بىتىرەتىن ءتۇ­لەك­تەر سويلەپ, مەملەكەت باس­شى­سى مەن  ءبىلىم جانە عىلىم مينيس­ترى­نە, وبلىس اكىمىنە وزدەرىنە جا­سالعان قامقورلىقتارى ءۇشىن ال­عىستارىن ايتتى. وزدەرىنىڭ ءبىر­ىڭ­عاي ۇلتتىق تەستىلەۋدى ۋاقىتىندا تاپسىرۋعا مۇمكىندىكتەرى بار ەكەن­دىكتەرىن, قيىنشىلىققا قاراماس­تان مەكتەپ باعدارلاماسىنان قالماي, ءوز ۋاقتىسىندا جان-جاقتى ءبىلىم الۋعا مۇمكىندىك جاسالعانىن ايتتى. جۇزدەسۋدە وبلىس اكىمى سەرىك ۇمبەتوۆ وبلىستىق ءماسليحاتتىڭ سەسسياسىنا بيىلعى تۇلەكتەردى وبلىس اكىمىنىڭ گرانتىمەن وقىتۋ جونىندە ماسەلە قويىلاتىندىعىن ايتىپ, بارشانى قۋانتىپ تاستادى. قازىرگى كەزدە وبلىستا 273 الەۋ­مەت­تىك جاعىنان جەتكىلىكسىز قامتىلعان وتباسىلارىنىڭ بالالارى وسىن­داي جەڭىلدىككە يە. ەندى ونىڭ قاتارى وسە تۇسپەك. دەمەك, تۇلەكتەر قامقورلىقتى سەزىنىپ, ومىردەن ءوز ورنىن تابۋلارىنا ىنتالانسا, نۇر ۇستىنە نۇر دەگەن تىلەك قوستى جينالعاندار. تۇلەكتەردىڭ جۇرەگىنە وت جاندىرعان جۇزدەسۋدە مينيستر ءبىر توپ مەكتەپ باسشىلارى مەن ۇستازداردى ماراپاتتادى. ولاردىڭ اراسىندا ءى. جانسۇگىروۆ اتىنداعى مەكتەپ ديرەكتورى ءا.بايتۇماقوۆ, ۇستاز ر.يمانقۇلوۆا ىبىراي التىنسارين اتىنداعى توسبەلگى­مەن, مۇعالىم ت.بەكتەمىروۆا, اقتو­عان اۋىلىنداعى مەكتەپتىڭ ديرەك­تورى ت.اسىلباەۆ, ەگىنسۋ اۋىلى­نىڭ ۇستازى ج.احمەتوۆا مەن قىزىلاعاشتىق ب.قىدىكەنوۆا ءبىلىم جانە عىلىم مينيسترلىگىنىڭ قۇرمەت گراموتالارىنا يە بولىپ, مەرەيلەندى. كۇمىسجان بايجان, الماتى وبلىسى.