«تابيعي ورتتەردىڭ الدىن ءتيىمدى جولمەن الۋ جانە ولاردى جويۋ ازاماتتىق قورعاۋدىڭ مەملەكەتتىك جۇيەسىنىڭ نازارىن اۋدارعان نەگىزگى باعىتتاردىڭ ءبىرى بولىپ تابىلادى.
جىل سايىن ەلىمىزدە 800-گە جۋىق ورمان جانە دالا ورتتەرى مەن باسقا دا ورتتەر بولادى.
بىلتىر ەلىمىزدىڭ ورمان قورىندا 751 ءورت تىركەلدى. وتقا ورانعان ورمان القابى 167 مىڭ گەكتاردى قۇرادى. ەكولوگياعا كەلتىرىلگەن زياندى ەسەپكە الماعاندا, تەك تىكەلەي ماتەريالدىق زالال 6 ملرد تەڭگەدەن استى», دەدى ۆەدومستۆو باسشىسى.
ايتۋىنشا, اسىرەسە شىعىس قازاقستاندا ورمان ءورتى ءجيى تىركەلۋدە. بۇل وڭىردە ءبىر جىلدا وسىنداي 194 جاعداي بولعان. سونداي-اق اقتوبە - 123 (16,4%), پاۆلودار – 114 (15,2%), قوستاناي– 100 (13,4%) وبلىستارىندا ورمان ءورتى كوبىرەك بولعان.
ء«ورت قاۋپىنىڭ جوعارى ىقتيمالدىعى بيىل دا ساقتالۋدا. جىل باسىنان بەرى بىزدە 42 كوكتەمگى ورمان ءورتى تىركەلدى. ءورتتىڭ جالپى اۋماعى 668 گەكتاردى قۇرادى.
«قازگيدرومەتتىڭ» بولجامدى دەرەكتەرى بويىنشا الداعى ءورت قاۋىپتى كەزەڭدە ورتاشا تەمپەراتۋرا +30ºس قۇرايدى. ال رەسپۋبليكانىڭ وڭتۇستىك, شىعىس جانە باتىس بولىگىندە قۇرعاقشىلىق پەن تەمپەراتۋرانىڭ +40ºس دەيىن جوعارىلاۋىمەن جاۋىن-شاشىن تاپشىلىعى بولجانادى. مۇنىڭ ءبارى ورمان قورىنداعى ءورت قاۋپىن ەداۋىر ارتتىرادى», دەدى توتەنشە جاعدايلار ءمينيسترى.
ايانا توعانبەك
