«وتكەن جىلدىڭ قورىتىندىسى بويىنشا وڭدەۋ ونەركاسىبى يمپورتىنىڭ جالپى سوماسى 38,3 ملرد اقش دوللارىن قۇرادى. شامامەن 32 ملرد اقش دوللار قاراجات يندۋستريا جانە ينفراقۇرىلىمدىق دامۋ مينيسترلىگى جەتەكشىلىك ەتەتىن سالالارعا تيەسىلى. وڭدەۋ ونەركاسىبى سالالارىندا ينۆەستيتسيالىق جوبالار پۋلىن قالىپتاستىردىق. اتالعان جوبالار يمپورتتى الماستىرۋعا جانە دايىن ءونىمدى ەكسپورتتاۋعا باعىتتالعان», دەدى مينيستر.
قايىربەك وسكەنباەۆتىڭ دەرەگىنشە, ءبىرىنشى توپتا 700-گە جۋىق جوبا قامتىلعان. ونىڭ ىشىندە 286-سى - يمپورتتى الماستىراتىن جوبالار. پۋلداعى 95 جوبا ەكىنشى توپقا, ياعني يمپورتتى الماستىرۋعا دايىندىعى ورتاشا تاۋارلارعا جاتادى. ءۇشىنشى توپ بويىنشا 36 جوبانى جۇزەگە اسىرۋ ءۇشىن تاۋارلار تىزبەگى ايقىندالدى. اتالعان تاۋارلار بويىنشا بەلسەندى تۇردە ينۆەستورلار ىزدەستىرىلۋدە.
ء«بىرىنشى توپقا قازىردىڭ وزىندە وتاندىق كاسىپورىنداردا ءوندىرىلىپ جاتقان ونىمدەردى شىعارۋعا باعىت العان 155 جوبا ەنگىزىلدى. الايدا اتالعان تاۋارلار يمپورتتى تولىق الماستىرۋى ءۇشىن ءوندىرىس كولەمىن ۇلعايتۋىمىز قاجەت», دەدى ول.
ونىڭ ايتۋىنشا, بۇقارالىق اقپارات قۇرالدارىندا يمپورتتى الماستىراتىن جوبالار تۋرالى حابارلاما جاريالانعان سوڭ كوپتەگەن بەلسەندى كاسىپكەر پۋلعا كىرۋگە مينيسترلىككە ءوتىنىش ءبىلدىردى.
«بايلانىس ورتالىعى ارقىلى كاسىپكەرلەرگە پۋلعا كىرۋ بويىنشا ماماندار تاراپىنان كەڭەس بەرىلۋدە. ايتا كەتەرلىگى, مينيسترلىكتە وبلىستار بويىنشا بەكىتىلگەن جانە جوبا باستاماشىلارىمەن تىكەلەي جۇمىس ىستەيتىن جوبا مەنەدجەرلەرىنەن تۇراتىن توپ بار. جۇمىس بارىسىندا جوبالىق ءادىس-تاسىلدەر مەن EasyProject اقپاراتتىق جۇيەسىندەگى مونيتورينگكە ارنالعان تسيفرلىق قۇرالدار قولدانىلدى. وسى رەتتە جوبالاردىڭ سانى بويىنشا وزگەرتۋلەر مەن تۇزەتۋلەر ەنگىزىلۋدە. جالپى وڭدەۋشى ونەركاسىپتە 108 مىڭ جۇمىس ورنىن قۇرۋمەن ينۆەستيتسيالار كولەمى 20,5 ترلن تەڭگەگە 633 جوبا تيەسىلى. تاۋ-كەن ءوندىرۋ سالاسى, اگروونەركاسىپتىك كەشەن جانە ينفراقۇرىلىمدىق دامۋ سالالارىنا 8 مىڭ جۇمىس ورنىن قۇرۋمەن ينۆەستيتسيالار كولەمى 1,3 ترلن تەڭگەنى قۇرايتىن 57 جوبا كىرەدى», دەدى قايىربەك وسكەنباەۆ.
